'ജനസേവകാരാണെന്ന കാര്യം മറക്കരുത്' ഉദ്യോഗസ്ഥർ അഴിമതി കാണിച്ചാൽ വീട്ടിൽ കിടന്നുറങ്ങില്ലെന്ന് മുഖ്യമന്ത്രി

അഴിമതി കാട്ടിയാൽ വീട്ടിൽ കിടന്നുറങ്ങാൻ പറ്റാത്ത അവസ്ഥയാകുമെന്ന് മുഖ്യമന്ത്രി താക്കീത് നൽകി. അഴിമതിക്കാർ സർക്കാർ ഭദ്രമായി പണിത കെട്ടിടത്തിൽ പോയി കിടക്കേണ്ടി വരും. ചെറുതായാലും വലുതായാലും അഴിമതി അഴിമതി തന്നെയെന്നും അദ്ദേഹം പറഞ്ഞു.

ഓഫീസുകളിൽ വരുന്ന ആളുകളുടെ ആവശ്യം പെട്ടെന്ന് നടക്കണമെന്ന ആഗ്രഹത്തെ ചൂഷണം ചെയ്യാൻ ചില ഉദ്യോഗസ്ഥർ ശ്രമിക്കുന്നതുകൊണ്ടാണ് അഴിമതി വ്യാപിച്ചതെന്ന് മുഖ്യമന്ത്രി പറഞ്ഞു. രാജ്യത്ത് അഴിമതി ഏറ്റവും കുറഞ്ഞ സംസ്ഥാനമെന്ന ഖ്യാതിയാണ് കേരളത്തിനുള്ളത്. അതിന്‍റെ അർഥം എല്ലായിടവും അഴിമതി ഇല്ലാതായി എന്നല്ല. ചിലയിടങ്ങളിൽ ഇത്തരം ദുശീലങ്ങൾ തുടരുന്നുണ്ട്. എന്നാൽ ഉയർന്ന തലങ്ങളിൽ അഴിമതി തീർത്തും ഇല്ലാതായി എന്നും ഭരണ നേതൃതലത്തിൽ അഴിമതിയുടെ ലാഞ്ജനയേ ഇല്ലയെന്ന കാര്യം എല്ലാവരും അംഗീകരിക്കുന്ന കാര്യമാണെന്നും മുഖ്യമന്ത്രി പറഞ്ഞു.

advertisement