സിപിഐ സിപിഎമ്മിനെ പരാജയപ്പെടുത്തി;രാമങ്കരി പഞ്ചായത്തിൽ ജയം യുഡിഎഫ് പിന്തുണയോടെ

യുഡിഎഫിന്റെ വൈസ് പ്രസിഡന്റായിരുന്ന ഷീന രാജപ്പന്‍ രാജിവച്ച ഒഴിവിലാണ് തെരഞ്ഞെടുപ്പ് നടന്നത്. അവസാനത്തെ ആറുമാസം കോൺഗ്രസ് അംഗത്തിന് പ്രസിഡന്‍റ്,വൈസ് പ്രസിഡന്റ് സ്ഥാനം നൽകാനുള്ള യുഡിഎഫിലെ ധാരണ പ്രകാരമാണ് ഷീന രാജപ്പന്‍ രാജിവച്ചത്. സിപിഐ സ്ഥാനാര്‍ഥിയെ നിറുത്തിയതോടെ യുഡിഎഫ് മത്സരത്തിൽ നിന്ന് പിൻമാറി. യുഡിഎഫ് അംഗങ്ങൾ സിപിഐക്ക് അനുകൂലമായി വോട്ട് ചെയ്തു.

13 അംഗ പഞ്ചായത്ത് ഭരണസമിതിയില്‍ ഒമ്പത് അംഗങ്ങളായിരുന്നു സിപിഎമ്മിനുണ്ടായിരുന്നത്. പാര്‍ട്ടിയുടെ വിപ്പ് ലംഘിച്ച് നാല് സിപിഎം അംഗങ്ങള്‍ വോട്ട് ചെയ്തതോടെ പഞ്ചായത്ത് ഭരണം കോൺഗ്രസിന്റെ കൈകളിലെത്തുകയായിരുന്നു.

advertisement