മദ്യപിക്കാം പക്ഷെ ഓവർ ആകരുത്; 33 വർഷത്തിനൊടുവിൽ മദ്യപാനത്തിൽ ഇളവ് നൽകാൻ സിപിഐ

അതേസമയം പ്രവർത്തകർ അവരുടെ പെരുമാറ്റത്തിലൂടെ പൊതുജനങ്ങളുടെ ആദരവും വിശ്വാസവും നേടണം എന്നും പെരുമാറ്റച്ചട്ടത്തിൽ ചൂണ്ടിക്കാട്ടുന്നു. ലളിതമായ ജീവിതം നയിക്കാനും മറ്റു പാർട്ടി പ്രവർത്തകർക്ക് മാതൃകയാകാനും പുതിയ മോഡൽ കോഡ് കേഡർക്ക് നിർദ്ദേശം നൽകി.

ജനപ്രതിനിധികൾ, എംഎൽഎമാർ മുതൽ തദ്ദേശ സ്ഥാപന അംഗങ്ങൾ വരെയുള്ളവർ അഴിമതിയും ആരോപണവുമായി ബന്ധപ്പെട്ട ശുപാർശകളുമായി സർക്കാരിനെ സമീപിക്കരുതെന്നും പുതിയ പെരുമാറ്റച്ചട്ടത്തിൽ പരാമർശിക്കുന്നു. പാർട്ടിയുടെ കാഴ്ചപ്പാടുകൾക്കും നിലപാടിനും വിരുദ്ധമായും സർക്കാരിനെ സമ്മർദ്ദത്തിൽ ആക്കുന്ന തരത്തിലും പ്രവർത്തിക്കരുതെന്നും നിർദ്ദേശം.

advertisement