ജയത്തിന് നന്ദി പറയാൻ സ്ഥാനാർഥി കിണറ്റിൽ

തിരഞ്ഞെടുപ്പ് ഫലപ്രഖ്യാപനത്തിനുശേഷം വോട്ടർമാരെ കാണാൻ വാർഡിലെത്തിയ ഉസ്മാൻ, തനിക്കുവേണ്ടി വീടുകൾ കയറിയിറങ്ങിയ സുഹൃത്ത് ഷിഹാബിനെ അന്വേഷിച്ചു. പതിവുപോലെ കിണർ നിർമാണ ജോലിയിൽ ഏർപ്പെട്ടിരിക്കുകയായിരുന്നു ഷിഹാബും സഹായിയും.

ഉസ്മാൻ കിണറിനടുത്തെത്തി. ഏകദേശം എട്ടുകോൽ താഴ്ചയുള്ള കിണറ്റിൽ കയറിലൂടെ പിടിച്ചിറങ്ങിയ അദ്ദേഹം ജോലിയിൽ ഏർപ്പെട്ടിരുന്ന ഷിഹാബിനെ ആലിംഗനം ചെയ്തു. സൗഹൃദത്തിനും പിന്തുണയ്ക്കും നന്ദി അറിയിച്ചശേഷം കയറിൽ തൂങ്ങി ഉസ്മാൻ തിരികെ കയറുകയും ചെയ്തു.