വ്യവസായത്തിന് ആവശ്യമായ അടിസ്ഥാന സൗകര്യങ്ങള്‍ ഒരുക്കിക്കൊടുക്കുകയെന്നതാണ് കിന്‍ഫ്രയുടെ ചുമതല. ആര്‍ക്കെങ്കിലും വ്യവസായം തുടങ്ങാന്‍ സ്ഥലം ആവശ്യമുണ്ടെങ്കില്‍ കിന്‍ഫ്രയോട് ചോദിക്കും. സ്ഥലമുണ്ടെങ്കില്‍ ഉണ്ട് എന്നു പറയും. അതാണ് സംഭവിച്ചത്. എത്രയോ മാസങ്ങള്‍ക്ക് മുമ്പാണ് ഇതൊക്കെ നടന്നത്. സ്ഥലമുണ്ടെങ്കില്‍ കൊടുക്കുമെന്നും ജയരാജന്‍ പറഞ്ഞു.
- ഈ പത്ത് ചോദ്യങ്ങൾക്ക് ഉത്തരമുണ്ടോ? ബ്രൂവറി ഇടപടിൽ എക്സൈസ് മന്ത്രിയോട് പ്രതിപക്ഷനേതാവ്
- ചെന്നിത്തലയുടെ ചോദ്യങ്ങള്‍ക്ക് പരിശോധിച്ചശേഷം മറുപടിയെന്ന് എക്സൈസ് മന്ത്രി
advertisement
താന്‍ ആര്‍ക്കും ഇതുവരെ ഭൂമി അനുവദിച്ചിട്ടില്ല. ഇത്തരം ഒരു പ്രശ്‌നവും തന്റെ മുന്നിലെത്തിയിട്ടില്ല. ബ്രൂവറി, ഡിസ്റ്റിലറി വിഷയത്തില്‍ എന്ത് സുതാര്യക്കുറവാണ് ഉള്ളതെന്നും ജയരാജന്‍ ചോദിച്ചു.
ബ്രൂവറികള്‍ അനുവദിച്ചതില്‍ അഴിമതി ആരോപിച്ച് എക്സൈസ് മന്ത്രിയോട് 10 ചോദ്യങ്ങളുമായി പ്രതിപക്ഷനേതാവ് രമേശ് ചെന്നിത്തല രംഗത്തെത്തിയിരുന്നു. ബ്രൂവറി അനുവദിച്ച ഉത്തരവിന്റെ പകര്‍പ്പെവിടെ ഉണ്ടെങ്കില്‍ പരസ്യപ്പെടുത്താത്തെന്ത് മദ്യനയത്തില്‍ ബ്രൂവറിയുടെ കാര്യമുണ്ടോ അനുമതി നല്‍കിയ ജില്ലയിലെ എക്സൈസ് ഡെപ്യൂട്ടി കമ്മിഷണറുടെ ഉത്തരവുണ്ടോ തുടങ്ങിയ ചോദ്യങ്ങളാണ് ച്രെന്നിത്തല ഉന്നയിച്ചത്.
എറണാകുളത്തെ കിന്‍ഫ്രയുടെ സ്ഥലം ബ്രൂവറിക്ക് വിട്ടുനല്‍കിയതില്‍ വ്യവസായ വകുപ്പിനും പങ്കുണ്ടെന്നും ചെന്നിത്തല ആരോപിച്ചിരുന്നു. കിന്‍ഫ്രയില്‍ ബ്രൂവറി തുടങ്ങാന്‍ 10 ഏക്കര്‍ സ്ഥലം അനുവദിച്ചുവെന്നും ആരാണ് അതില്‍ ഒപ്പിട്ടതെന്നും വ്യക്തമാക്കണമെന്ന് പ്രതിപക്ഷ നേതാവ് ആവശ്യപ്പെട്ടിരുന്നു.