മലപ്പുറത്ത് നിയന്ത്രണം വിട്ട സ്കൂട്ടർ കിണറ്റിലേക്ക് മറിഞ്ഞ് അച്ഛനും മകനും മരിച്ചു

പെരുന്നാൾ ദിനം പള്ളിയിലും പോയി ബന്ധുക്കളെ സന്ദർശിക്കാൻ പോകുന്നതിനിടെയായിരുന്നു അപകടം. മകനായ ഫാരിസായിരുന്നു സ്കൂട്ടർ ഓടിച്ചിരുന്നത്. നിയന്തണം വിട്ട സ്കൂട്ടർ ആദ്യമം വീടിന്റെ മതിലിൽ ഇടിക്കുകയും ഉയർന്ന് പൊങ്ങി കിണറ്റിൽ പതിക്കുകയുമായിരുന്നു.

ഗുരുതരമായി പരിക്കേറ്റ ഇരുവരെയും ഉടൻ തന്നെ നാട്ടുകാർ ചേർന്ന് പുറത്തെടുത്ത് കോട്ടയ്ക്കലിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല.ഫയർഫോഴ്സെത്തിയാണ് സ്കൂട്ടർ പുറത്തെടുത്തത്.