Saji Cheriyan | ജനപ്രതിനിധികൾ ഭരണഘടനയോട് കൂറ് പുലർത്തണം; വിഷയത്തിൽ ഇപ്പോൾ‌ ഇടപെടുന്നില്ലെന്ന് ഗവർണർ

വിഷയത്തില്‍‌ ഉചിതമായ നടപടി പ്രതീക്ഷിക്കുന്നെന്നും മുഖ്യമന്ത്രി വിശദീകരണം ചോദിച്ചിട്ടുണ്ടെന്നും ഗവർ‌ണർ ചൂണ്ടിക്കാട്ടി. മന്ത്രി മാപ്പ് പറഞ്ഞാതായി ശ്രദ്ധയിൽപ്പെട്ടിട്ടില്ലെന്നും ഗവർ‌ണർ പറഞ്ഞു. പൗരന്മാരെന്ന നിലയിൽ ഭരണഘടനയോടും നിയമത്തോടും വിധേയത്വം പ്രകടിപ്പിക്കുകയെന്നത് എല്ലാവരുടെയും ഉത്തരവാദിത്തമാണെന്ന് ഗവർണർ വ്യക്തമാക്കി.

Also Read-Saji Cheriyan | ' ഭരണഘടനയെ വിമർശിച്ചുവെന്ന വാർത്ത വളച്ചൊടിച്ചത്; സാമൂഹ്യനീതി നിഷേധിക്കുന്നത് ചൂണ്ടിക്കാട്ടുകയാണ് ചെയ്തത്'; മന്ത്രി സജി ചെറിയാൻ

അതേസമയം നമ്മുടെ രാജ്യത്ത് മഹാഭൂരിപക്ഷം വരുന്ന ജനവിഭാഗങ്ങള്‍ക്ക് സാമൂഹ്യനീതി നിഷേധിക്കപ്പെടുന്നത് ചൂണ്ടിക്കാണിക്കുക മാത്രമാണ് ചെയ്തതെന്ന് മന്ത്രി സജി ചെറിയാൻ പ്രതകരിച്ചിരുന്നു. ഭരണഘടനയെ വിമര്‍ശിച്ചു എന്ന രീതിയില്‍ വരുന്ന വാര്‍ത്തകള്‍ വളച്ചൊടിക്കപ്പെട്ടതാണെന്നും അദ്ദേഹം വ്യക്തമാക്കി.

advertisement

'അസമത്വങ്ങള്‍ക്കെതിരെ പ്രതിരോധം തീര്‍ക്കുന്നതില്‍ ഭരണഘടനയ്ക്ക് ശക്തിയുണ്ടാവില്ല എന്ന ആശങ്കയാണ് ഞാന്‍ എന്റേതായ വാക്കുകളില്‍ പ്രകടിപ്പിച്ചത്. ഒരിക്കല്‍പ്പോലും ഭരണഘടനയ്ക്ക് അവമതിപ്പുണ്ടാക്കാനോ അതിനെതിരായ കാര്യങ്ങള്‍ പറയാനോ ഞാന്‍ ഉദ്ദേശിച്ചിട്ടേയില്ല'- സജി ചെറിയാൻ പറഞ്ഞു.

Also Read-Saji Cheriyan | ഭരണഘടനയ്ക്കെതിരായ പരാമർശം; മന്ത്രി സജി ചെറിയാൻ രാജിവയ്ക്കേണ്ട ആവശ്യമില്ലെന്ന് CPM

അതേസമയം മന്ത്രിയുടെ രാജി ആവശ്യപ്പെട്ട് പ്രതിപക്ഷ സംഘടനകൾ സംസ്ഥാനത്ത് പ്രതിഷേധം സംഘടിപ്പിച്ചിരുന്നു. എന്നാല്‍ സജി ചെറിയാൻ രാജി വെക്കേണ്ടതില്ലെന്നാണ് സിപിഎമ്മിന്റെ തീരുമാനം. മന്ത്രിയുടെ വിശദീകരണം കണക്കിലെടുത്താണ് സിപിഎം തീരുമാനം.