'രാഹുൽ ​ഗാന്ധി ചില ഉറപ്പുകൾ തന്നിട്ടുണ്ട്, രമേശ് ചെന്നിത്തല മുഖ്യമന്ത്രിയാകണം': കെ സുധാകരൻ

രാഹുൽ ​ഗാന്ധിയെ കണ്ടതിൽ വളരെയധികം സന്തോഷവാനാണ് താൻ. രാഹുല്‍ ഗാന്ധി വിളിച്ച് സംസാരിച്ചു എന്ന് പറയുന്നത് സന്തോഷമുള്ള കാര്യമാണ്. കേരളത്തിലെ കോൺ​ഗ്രസിന്റെ ഭാവിയെ കുറിച്ച് ഞങ്ങൾ സംസാരിച്ചു. അദ്ദേഹം സംതൃപ്തനാണ്. തൃപ്തികരമായാണ് വിലയിരുത്തിയതെന്നും കെ സുധാകരൻ പറഞ്ഞു

സുധാകരനെ സന്ദർശിച്ചതിനെ കുറിച്ച് രാഹുൽ ​​ഗാന്ധിയും പ്രതികരിച്ചു. കേരള ജനതയ്ക്കായി ജീവിതകാലം മുഴുവൻ പോരാടിയ വ്യക്തിയാണ് കെ സുധാകരനെന്നും കോൺഗ്രസിന്റെ ശക്തിയും കൂറുമുള്ള വ്യക്തിയാണ് അദ്ദേഹമെന്നും രാഹുൽ ​ഗാന്ധി വ്യക്തമാക്കി. ചിത്രങ്ങൾ പങ്കുവച്ചുകൊണ്ടായിരുന്നു പ്രതികരണം.

advertisement

നിയമസഭാ തിരഞ്ഞെടുപ്പിൽ സീറ്റ് കിട്ടാത്തതിൽ കോൺ​ഗ്രസ് നേതൃത്വത്തോട് പിണങ്ങിയ നിലപാടായിരുന്നു സുധാകരന്റേത്. ഇതിനിടെയാണ് കുടുംബസമേതം ഡൽഹിയിലെത്തി മുതിർന്ന നേതക്കാളെ സന്ദർശിച്ചത്.