ആർദ്ര കേരളം പുരസ്ക്കാരം: ആരോഗ്യ രംഗത്തെ മികവിന് അംഗീകാരം കരസ്ഥമാക്കി എറണാകുളം ജില്ലാ പഞ്ചായത്ത്

പഞ്ചായത്തുകളുടെ പരിധിയിലുള്ള ഡയാലിസിസ് രോഗികളെ സഹായിക്കുന്നതിനായി നടപ്പിലാക്കിയ കാരുണ്യ സ്മാർശം പദ്ധതി, ഹീമോഫീലിയ രോഗികൾക്കുള്ള സഹായ പദ്ധതി, കരൾമാറ്റ ശസ്ത്രക്രിയക്ക് വിധേയരായവർക്കുള്ള സൗജന്യ മരുന്ന് വിതരണം, കാൻസർ കെയർ പദ്ധതി എന്നിവ ജില്ലാ പഞ്ചായത്ത് ആവിഷ്കരിച്ച് നടപ്പിലാക്കി. അലോപ്പതി ആയുർവേദം ഹോമിയോ വിഭാഗങ്ങളിൽ ജില്ലാ തലത്തിൽ വ്യാപകമായി പാലിയേറ്റ് കെയർ പദ്ധതി, വയോരക്ഷ, മാതൃവന്ദനം തുടങ്ങിയ സൗജന്യ മരുന്ന് വിതരണ പദ്ധതികൾ നടപ്പിലാക്കി. ആരോഗ്യ സംരക്ഷണത്തിനായി മുഴുവൻ പഞ്ചായത്തുകളിലും ഓപ്പൺജിമ്മുകൾ സ്ഥാപിച്ചു. ആരോഗ്യരംഗത്ത് ജില്ലാ പഞ്ചായത്ത് നടപ്പിലാക്കിയ മികവുറ്റ പദ്ധതികളാണ് ആർദ്ര കേരളം പുരസ്ക്കാരത്തിന് അർഹമാക്കിയതെന്ന് ജില്ലാ പഞ്ചായത്ത് പ്രസിഡൻ്റ് മനോജ് മൂത്തേടൻ പറഞ്ഞു.

advertisement