നെട്ടൂരിൽ മരട് നഗരസഭയുടെ എൽഇഡി ലൈറ്റ് നിർമ്മാണ യൂണിറ്റ് പ്രവർത്തനമാരംഭിച്ചു

ഗുണമേന്മയുള്ള എൽഇഡി ലൈറ്റുകൾ മിതമായ നിരക്കിൽ നഗരസഭയുടെ നിയന്ത്രണത്തിൽ തന്നെ ജനങ്ങൾക്ക് ലഭ്യമാക്കുകയാണ് ലക്ഷ്യം. ഇതിനോടൊപ്പം, തകരാറിലായ എൽഇഡി ലൈറ്റുകൾ റിപ്പയർ ചെയ്ത് വീണ്ടും ഉപയോഗിക്കുന്നതിനുള്ള സൗകര്യവും ഒരുക്കിയിട്ടുണ്ട്. കുടുംബശ്രീ പ്രവർത്തകരെ കൂടുതൽ ഉൾപ്പെടുത്തി പദ്ധതിയെ വിപുലപ്പെടുത്താനാണ് നഗരസഭയുടെ തീരുമാനം. ഡിവിഷൻ കൗൺസിലർ അഫ്സൽ അധ്യക്ഷനായ പരിപാടിയിൽ കൗൺസിലർ സീമ ചന്ദ്രൻ, മറ്റ് മെമ്പർമാർ തുടങ്ങിയവർ പങ്കെടുത്തു.