കാലാവസ്ഥാ വ്യതിയാനം ചെറുക്കാൻ 'മഴയറിവ്': എറണാകുളം ജില്ലയിൽ മഴമാപിനി സ്ഥാപിക്കൽ തുടങ്ങി

സിഡിഎസ് ചെയർപേഴ്സൺ ഷീബ യോഹന്നാൻ അധ്യക്ഷത വഹിച്ച ചടങ്ങിൽ ഹരിതകേരളം മിഷൻ ബ്ലോക്ക് കോർഡിനേറ്റർ എ എ സുരേഷ് വിഷയാവതരണം നടത്തി. സിഡിഎസ് വൈസ് ചെയർപേഴ്സൺ ചിന്നു മത്തായി, ലാലി ഗോപാലൻ എന്നിവർ സംസാരിച്ചു. ഹരിതകേരളം മിഷൻ്റെ നേതൃത്വത്തിൽ ജില്ലാ ഭരണകൂടം, കുസാറ്റ്, ഹ്യൂം സെൻ്റർ വയനാട്, സയൻസ് സെൻ്റർ തുരുത്തിക്കര, സുസ്ഥിര ഫൗണ്ടേഷൻ എന്നിവരുടെ സഹകരണത്തോടെയാണ് എറണാകുളം ജില്ലയിൽ മഴയറിവ് കാമ്പയിൻ സംഘടിപ്പിക്കുന്നത്. പ്രാഥമിക ഘട്ടത്തിൽ രാമമംഗലത്തിന് പുറമെ കുമ്പളങ്ങി, കുട്ടമ്പുഴ, അയ്യമ്പുഴ, രായമംഗലം, ഇലഞ്ഞി, കല്ലൂർക്കാട്, ചെങ്ങമനാട്, ഞാറക്കൽ, മലയാറ്റൂർ തുടങ്ങിയ തദ്ദേശ സ്ഥാപനങ്ങളിലാണ് മഴമാപിനികൾ സ്ഥാപിക്കുന്നത്. റെസിഡൻസ് അസോസിയേഷൻ പ്രതിനിധികൾ, ശാസ്ത്ര സാഹിത്യ പരിഷത്ത് പ്രവർത്തകർ, ഗ്രന്ഥശാല പ്രവർത്തകർ എന്നിവരും പ്രവർത്തനങ്ങളിൽ പങ്കാളികളാകും.

advertisement