ചാമ്പ്യൻസ് ബോട്ട് ലീഗ് ഒക്ടോബർ 12ന് ചാലിയാറിൽ; സ്വാഗത സംഘം രൂപീകരിച്ചു

സെപ്റ്റംബർ മുതൽ ഡിസംബർ വരെ നീണ്ടുനിൽക്കുന്ന ചാമ്പ്യൻസ് ബോട്ട് ലീഗ് ബേപ്പൂരിന് പുറമെ, ആലപ്പുഴയിലെ കൈനകരി, പുളിങ്കുന്നം, കരുവാറ്റ, ചെങ്ങന്നൂർ, കായംകുളം, കണ്ണൂരിലെ ധർമടം, കോട്ടയത്തെ താഴത്തങ്ങാടി, കാസർക്കോട്ടെ ചെറുവത്തൂർ, എറണാകുളത്തെ പിറവം, മറൈൻ ഡ്രൈവ്, തൃശൂർ കോട്ടപ്പുറം, കല്ലട, അഷ്ടമുടി കായല്‍ എന്നിവിടങ്ങളിലും അരങ്ങേറും.

ചാമ്പ്യൻസ് ബോട്ട് ലീഗിൻ്റെ സ്വാഗതസംഘ രൂപീകരണയോഗം ജില്ലാ കളക്ടർ സ്നേഹിൽ കുമാർ സിംഗ് ഉദ്ഘാടനം ചെയ്തു. കേരളത്തിലെ പ്രധാനപ്പെട്ട ടൂറിസം പരിപാടിയായ ബോട്ട് ലീഗിനെ മാറ്റണമെന്ന് അദ്ദേഹം പറഞ്ഞു. വിനോദസഞ്ചാരം - പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് ചെയർമാനും കോഴിക്കോട് ജില്ലാ കളക്ടർ സ്നേഹിൽ കുമാർ സിംഗ് കൺവീനറുമായാണ് സംഘാടക സമിതിക്ക് രൂപം നൽകിയത്.

advertisement