SNGOU കലോത്സവത്തിൽ വിമാനത്തിൻ്റെയും ബുള്ളറ്റിൻ്റെയും ശബ്ദങ്ങളുമായി മിമിക്രി മത്സരം ശ്രദ്ധേയമായി

മരണക്കിണറിലെ മോട്ടോര്‍ ബൈക്ക് ഓട്ടത്തിൻ്റെ ശബ്ദവും മിമിക്രി വേദിയിൽ നിറഞ്ഞു. വിവിധ സിനിമകളിലെ ദൃശ്യങ്ങളെ അനുകരിക്കുന്ന പ്രകടനങ്ങളും കാഴ്ചവെക്കപ്പെട്ടു. ഇംഗ്ലീഷ് സിനിമകളുടെ ട്രയിലറുകളും പരീക്ഷിക്കപ്പെടുന്നുണ്ടായിരുന്നു മിമിക്രി വേദിയിൽ.

സ്വന്തമായി പഠിച്ചെടുത്താണ് പലരും മത്സരത്തിന് എത്തിയത്. പ്രഫഷണല്‍ സംഘങ്ങളുടെ പരിശലീനം ഇല്ലാത്തവരായിരുന്നു പലരും. എന്നിട്ടും മിമിക്രി വേദിയിലെ പ്രകടനം മോശമായില്ല. വിവിധ ജോലികള്‍ക്കിടയില്‍ പഠിക്കുന്നവരാണ് ഇതുപോലുള്ള കലാപ്രകടനത്തിന് സമയം കണ്ടെത്തിയത് എന്നാണ് കൗതുകം. തികഞ്ഞ ആത്മവിശ്വാസത്തോടെയാണ് എല്ലാവരും മത്സരിച്ചത്. ആത്മവിശ്വാസവും കൃതാര്‍ത്ഥതയും ആ മുഖങ്ങളില്‍ കാണാമായിരുന്നു. ട്രാന്‍സ് ജൻ്റര്‍ വിഭാഗത്തിലും മിമിക്രി മത്സരം നടന്നു.

advertisement