ശുചിത്വ സന്ദേശവുമായി രോഹൻ കുന്നുമ്മൽ; കൊയിലാണ്ടി നഗരസഭയുടെ സ്വച്ഛ് സര്‍വേക്ഷണ്‍ ക്യാമ്പെയ്‌നുകൾക്ക് തുടക്കം

കേന്ദ്രസര്‍ക്കാരിൻ്റെ സ്വച്ഛ് സര്‍വേക്ഷണ്‍ ശുചിത്വ സര്‍വേയുടെ ഭാഗമായി കൊയിലാണ്ടി നഗരസഭയെ മാലിന്യമുക്തമാക്കുന്നതിനും പൊതുജനങ്ങളില്‍ ശുചിത്വ അവബോധം വളര്‍ത്തുന്നതിനുമുള്ള പ്രവര്‍ത്തനങ്ങള്‍ സ്വച്ഛ് സര്‍വേക്ഷണ്‍ ശുചിത്വ പദ്ധതിയുടെ ഭാഗമായി നടത്തപെടും.

മാലിന്യമുക്ത പ്രവര്‍ത്തനങ്ങള്‍, വിവിധ പൊതുജനാരോഗ്യ പരിസ്ഥിതി പരിപാലന വിഭാഗം ക്യാംപെയ്‌നുകള്‍ക്കും പ്രചരണ പ്രവര്‍ത്തനങ്ങള്‍ക്കും രോഹന്‍ നേതൃത്വം നല്‍കും. പദ്ധതിയുടെ ഭാഗമായി ശുചീകരണവും ബോധവത്കരണ പ്രവര്‍ത്തനങ്ങളും നടത്തും. പൊതുജനങ്ങളുടെ സഹകരണവും ഉറപ്പുവരുത്തുമെന്ന് ചെയര്‍പേഴ്സൺ യു കെ ചന്ദ്രന്‍ പറഞ്ഞു.