കായികമേളയിലെ റെക്കോർഡ് ജേതാവ് ദേവനന്ദയുടെ വീടിന് മന്ത്രി ശിവൻകുട്ടി ശിലാസ്ഥാപനം നടത്തി

കായികമേളയില്‍ ഇരട്ട സ്വര്‍ണം കരസ്ഥമാക്കിയ വേളയില്‍ തന്നെ ദേവനന്ദക്ക് വീട് വെച്ച് നല്‍കുമെന്ന് മന്ത്രി ഉറപ്പ് നല്‍കിയിരുന്നു. റിട്ട. അധ്യാപകൻ കോട്ടിലോട്ട് ശ്രീധരൻ സൗജന്യമായി നൽകിയ അഞ്ച് സെൻ്റ് സ്‌ഥലത്താണ് വീട് നിർമിക്കുന്നത്. പേരാമ്പ്ര മമ്മിളികുളത്ത് നടന്ന ചടങ്ങിൽ ടി പി രാമകൃഷ്ണൻ എംഎൽഎ അധ്യക്ഷനായി. പേരാമ്പ്ര ബ്ലോക്ക്‌ പഞ്ചായത്ത് പ്രസിഡൻ്റ് എൻ പി ബാബു, നൊച്ചാട് ഗ്രാമപഞ്ചായത്ത് പ്രസിഡൻ്റ് ശാരദ പട്ടേരിക്കണ്ടി, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ബിന്ദു അമ്പാളി, വാർഡ് മെമ്പർ മധു കൃഷ്ണൻ, സ്കൗട്ട് ആൻഡ് ഗൈഡ്സ് സംസ്ഥാന സെക്രട്ടറി എൻ കെ പ്രഭാകരൻ, സ്റ്റേറ്റ് കമ്മീഷണർ ബാലചന്ദ്രൻ പാറച്ചോട്ടിൽ, വീട് നിർമ്മാണത്തിന് സ്ഥലം വിട്ടുനൽകിയ ശ്രീധരൻ മാസ്റ്റർ തുടങ്ങിയവർ ചടങ്ങിൽ പങ്കെടുത്തു.

advertisement