സൗജന്യ രോഗനിർണ്ണയ ക്യാമ്പുമായി നാദാപുരം പഞ്ചായത്തിലെ ‘ജീവതാളം’ പദ്ധതി

ജീവിതശൈലി രോഗങ്ങളിൽ നിന്ന് മുക്തമാകാനും രോഗനിർണ്ണയം നേരത്തെ നടത്തി ചികിത്സ ആരംഭിക്കാനുമുള്ള ബോധവത്കരണവും യോഗ പരിശീലനം, സൂംബ ഡാൻസ് പോലുള്ള വ്യായാമമുറകളും ക്യാമ്പിനോടനുബന്ധിച്ച് നടക്കുന്നതാണ്. ഗ്രാമപഞ്ചായത്തിലെ 22 വാർഡുകളിലും വിവിധ ക്ലസ്റ്ററുകളിൽ ജീവതാളം ക്യാമ്പ് സംഘടിപ്പിക്കുന്നുണ്ട്. നാദാപുരം താലൂക്ക് ആശുപത്രിയിലെ മെഡിക്കൽ ഓഫീസർക്കാണ് പദ്ധതിയുടെ ചുമതല.

'ജീവതാളം' പദ്ധതിയുടെ ഉദ്ഘാടനം ഗ്രാമപഞ്ചായത്ത് പ്രസിഡൻ്റ് വി വി മുഹമ്മദലി നിർവഹിച്ചു. ഹാരിസ് മാത്തോട്ടത്തിൽ, ഒ പി അബ്ദുല്ല, കെ കെ നൗഫൽ, സിദ്ദീഖ് കുപ്പേരി, ജെ എച്ച് ഐ സുബൈർ, സിന്ധു, ആശാവർക്കർ സുമിഷ തുടങ്ങിയവർ പങ്കെടുത്തു.

advertisement