ലിറ്റിൽ കൈറ്റ്‌സ് ജില്ലാ ക്യാമ്പിന് സമാപനം; 160 സ്കൂളുകൾക്ക് റോബോട്ടിക് കിറ്റുകൾ വിതരണം ചെയ്തു

ക്യാമ്പിൻ്റെ ഭാഗമായി ജില്ലയിലെ 160 സ്‌കൂളുകള്‍ക്കുള്ള അഡ്വാന്‍സ്ഡ് റോബോട്ടിക് കിറ്റുകളുടെ വിതരണം കൈറ്റ് സി.ഇ.ഒ. കെ അന്‍വര്‍ സാദത്ത് ഓണ്‍ലൈനായി നിര്‍വഹിച്ചു. ഗ്രഹങ്ങള്‍, ഖനികള്‍, കുഴല്‍ക്കിണറുകള്‍, മാന്‍ഹോളുകള്‍ തുടങ്ങി മനുഷ്യര്‍ക്ക് നേരിട്ട് എത്താന്‍ പ്രയാസമുള്ള ഇടങ്ങളില്‍ പരീക്ഷണങ്ങള്‍ക്കും രക്ഷാപ്രവര്‍ത്തനങ്ങള്‍ക്കും ഉപയോഗിക്കാവുന്ന വിദൂര നിയന്ത്രിത റോവര്‍ ഉപകരണങ്ങളുടെ സാങ്കേതിക വിദ്യയാണ് കുട്ടികള്‍ ക്യാമ്പിലൂടെ പരിചയപ്പെടുന്നത്. പ്രോഗ്രാമിങ്, ത്രിമാന അനിമേഷന്‍, മൊബൈല്‍ ആപ് നിര്‍മാണം എന്നിവയില്‍ വിദഗ്ധ പരിശീലനവും നല്‍കുന്നുണ്ട്.