ബേപ്പൂര്‍ വാട്ടര്‍ ഫെസ്റ്റിൽ ആവേശമായി ചൂണ്ടയിടൽ മത്സരം; ഷിഹാബ് 'ചൂണ്ടക്കാരൻ' നേടി

ബേപ്പൂരിൻ്റെ തീരദേശ സംസ്‌കാരവും മത്സ്യബന്ധനത്തിലെ കായികക്ഷമതയും ഒരുപോലെ പ്രകടമാകുന്നതായിരുന്നു ബേപ്പൂര്‍ പുലിമുട്ടില്‍ നടന്ന വാശിയേറിയ ചൂണ്ടയിടല്‍ മത്സരം. പരമ്പരാഗത മത്സ്യബന്ധന കഴിവുകളും ആധുനിക ആംഗ്ലിംഗ് രീതികളും പ്രയോഗിച്ച് നടന്ന മത്സരം ശ്രദ്ധേയമായി മാറി. മലപ്പുറം കാവന്നൂര്‍ സ്വദേശിയായ കെ സി ഷിഹാബാണ് ചൂണ്ടയിടല്‍ മത്സര വിഭാഗത്തിൽ ജേതാവ്. രണ്ട് മണിക്കൂര്‍ സമയത്തിനുള്ളില്‍ 1430 ഗ്രാം തൂക്കമുള്ള മത്സ്യം പിടിച്ചാണ് ഷിഹാബ് ഒന്നാം സ്ഥാനവും 10,000 രൂപയും സ്വന്തമാക്കിയത്.

1090 ഗ്രാം മത്സ്യം പിടിച്ച് എം അലിം രണ്ടാം സ്ഥാനവും (5000 രൂപ) 1035 ഗ്രാം മത്സ്യം കിട്ടിയ കെ നൗഫല്‍ മൂന്നാം സ്ഥാനവും (3000 രൂപ) നേടി. വാട്ടർ ഫെസ്റ്റിൻ്റെ സമാപന ദിവസം വിജയികൾക്ക് സമ്മാന തുക നൽകി ആദരിക്കും.

advertisement