വയോജന ക്ഷേമ പ്രവർത്തനങ്ങളിൽ മാതൃകയായി ഒളവണ്ണ പഞ്ചായത്ത്

നിലവിൽ 23 വാർഡുകളിലായി 9,635 വയോജനങ്ങൾ (സ്ത്രീകൾ 5042, പുരുഷന്മാർ 4593) പഞ്ചായത്തിലുണ്ട്. ഇവരിൽ 6,093 പേർക്ക് വയോജന ക്ഷേമ പെൻഷൻ അനുവദിച്ചു. 23 വാർഡുകളിലുമായി വാർഡ് തല വയോജന സമിതികളും പഞ്ചായത്തുതല സമിതിയും സജീവമായി പ്രവർത്തിക്കുന്നുണ്ട്. ഇപ്പോൾ മൂന്നു വാർഡുകളിൽ പകൽവീടുകൾ പ്രവർത്തിച്ചുവരുന്നുണ്ട്. രണ്ടെണ്ണം ഉടൻ പ്രവർത്തനം ആരംഭിക്കും. മാമ്പുഴക്കാട്ടെ പകൽവീടിനോടൊപ്പം വയോജന പാർക്ക്, എം ജി നഗറിലെ പകൽവീടിനോട് ചേർന്ന് ഓപ്പൺ ജിം തുടങ്ങിയ സൗകര്യങ്ങളും ഒരുക്കിയിട്ടുണ്ട്. പഞ്ചായത്തിൻ്റെ നേതൃത്വവും ജനപങ്കാളിത്തവും ചേർന്നാണ് ഈ നേട്ടം സാധ്യമാക്കിയതെന്ന് പ്രസിഡൻ്റ് പി ശാരുതി പറഞ്ഞു.

advertisement