27 വർഷത്തെ ഇടവേളയ്ക്ക് ശേഷം കലോത്സവ വേദി കീഴടക്കി രജനി

കാലിക്കറ്റ് യൂണിവേഴ്‌സിറ്റിയില്‍ നിന്ന് പൊളിറ്റിക്കല്‍ സയന്‍സ് ബിരുദം നേടിയിരിക്കുന്ന കാലത്താണ് രജനിയുടെ വിവാഹം. പിന്നെ പഠനമൊന്നും നടന്നില്ല. കഴിഞ്ഞ വര്‍ഷമാണ് ശ്രീനാരായണ ഗുരു ഓപ്പണ്‍ യൂണിവേഴ്സ്റ്റി വഴി ബിഎ മലയാളം വിദ്യാര്‍ഥിയായി രജനി വേഷപ്പകര്‍ച്ച നടത്തിയത്. സമ്മാനം നേടുക എന്നതല്ല ലക്ഷ്യം. കലോത്സവത്തില്‍ പങ്കാളിയാവുക എന്നതാണ്. പ്രായമല്ല, മനസ്സിൻ്റെ ചെറുപ്പതിലാണ് കാര്യം എന്ന് ഏവരെയും ചിന്തിപ്പിച്ചുകൊണ്ട് ഒപ്പനക്ക് അണിഞ്ഞൊരുങ്ങാന്‍ രജനി ഗ്രീന്‍ റൂമിലേക്ക് പോയി.