ഉരുണ്ട നെറ്റിയും നീണ്ടുപിരിഞ്ഞു കിടക്കുന്ന ചെവിയുമുള്ള ഗിർ ഇനങ്ങളിലുള്ള പശുക്കളാണ് ഇവയിൽ ഏറെ കൗതുകമുണർത്തുന്നത്. പ്രതിദിന പാലുൽപാദനം ആറുമുതൽ എട്ട് ലിറ്റർ വരെയാണ് ഗിർ ഇനങ്ങളിലുള്ള പശുക്കൾക്ക്. വലുപ്പത്തിലും ആകാരത്തിലും ഗിർ മുന്നിട്ട് നിൽക്കുന്നുവെങ്കിൽ ഏറ്റവും കുള്ളന്മാരാണ് ആന്ധ്രയിൽ നിന്നുള്ള പൂങ്കന്നുരും കേരളത്തിൻ്റെ നാടൻ ഇനങ്ങളായ വെച്ചൂരും കാസർകോട് കുള്ളനും. 7 സെൻ്റിമീറ്റർ മാത്രമാണ് പുങ്കന്നൂരിൻ്റെ ശരാശരി ഉയരം. പ്രതിദിന പാലുൽപാദനം ശരാശരി രണ്ട് ലിറ്ററും. കൃഷ്ണവാലിയും പാലുൽപാദനത്തിൽ നന്നേ പിറകിലാണ്. മൂന്നു ലിറ്റർ. കൃഷി ആവശ്യത്തിനും ഭാരം വലിക്കുന്നതിനുമാണ് ഇവയെ പ്രധാനമായും ഉപയോഗിക്കുന്നത്.
advertisement
പശുക്കൾക്ക് പുറമെ ആടുകളും പ്രദർശനത്തിലുണ്ട്. ജമീന പ്യാരി, സിരോഹി, കനേഡിയൻ പിഗ്മി, സിൽക്കി ഗോട്ട് എന്നിവയാണ് ആടുകളുടെ വിഭാഗത്തിൽ പ്രദർശിപ്പിക്കുന്നത്.
