ഡിജി കേരളം പദ്ധതിയുടെ ഭാഗമായി 2,140 പഠിതാക്കളുടെ പരിശീലനവും ഇവാലുവേഷനും പൂർത്തിയാക്കാൻ ബാലുശ്ശേരി ഗ്രാമ പഞ്ചായത്തിന് സാധിച്ചു. കൃത്യമായ മാലിന്യ ശേഖരണവും സംസ്‌കരണവും പഞ്ചായത്തിൽ നടപ്പിലാക്കി വരുന്നുണ്ട്. 100 ശതമാനമാണ് വാതിൽ പടി ശേഖരണം. 34 ഹരിത കർമ്മ സേന അംഗങ്ങളാണ് മാലിന്യ ശേഖരണം നടത്തുന്നത്. 73 മാലിന്യ ശേഖരണ ബിന്നുകളും 56 ബോട്ടിൽ ബൂത്തുകളും സ്ഥാപിച്ചു കഴിഞ്ഞു. 7,820 കുടുംബങ്ങളാണ് ഇവിടെ ഹരിതമിത്രം ആപ്പ് ഉപയോഗിക്കുന്നത്.
ആയുർവേദ ആശുപത്രി, ബഡ്‌സ് റീഹാബിലിറ്റേഷൻ സെൻ്റർ, കുടുംബാരോഗ്യ കേന്ദ്രം, പഞ്ചായത്ത് സ്റ്റേഡിയം നവീകരണം, ഡിജിറ്റലൈസ്ഡ് മീറ്റിംഗ് ഹാൾ, ഹെൽത്ത് ഗ്രാൻഡ്, 83 ലക്ഷം രൂപയുടെ കുടിവെള്ള പദ്ധതികൾ, കാർഷിക വികസന പദ്ധതികൾ, തരിശ് രഹിത പ്രവർത്തനങ്ങൾ, 1327 പേർക്ക് ക്ഷേമപെൻഷനുകൾ, 89 മൈക്രോ സംരംഭങ്ങൾ, മൂന്ന് കോടിയിൽ അധികം രൂപ ഉപയോഗിച്ച് പൊതുഭരണ സംവിധാനങ്ങൾ കാര്യക്ഷമമാക്കൽ, ആറുകോടിയിൽ അധികം രൂപയുടെ പട്ടികജാതി വികസനം തുടങ്ങി മുഴുവൻ മേഖലകളിലും സമഗ്ര വികസനമാണ് പഞ്ചായത്തിൽ നടപ്പിലാക്കിയത് എന്ന് നിസംശയം പറയാം.
advertisement