തീവ്ര വോട്ടർ പട്ടിക പരിഷ്‌കരണ പ്രചാരണത്തിന് സമാപനം കുറിച്ച് കോഴിക്കോട് ബീച്ചിൽ മെഗാ കൈറ്റ് ഫെസ്റ്റിവൽ

ജില്ലാ കളക്ടർ സ്നേഹിൽ കുമാർ സിങ്, അസിസ്റ്റൻ്റ് കളക്ടറും ജില്ലാ സ്വീപ് സെൽ കോഓഡിനേറ്ററുമായ മോഹന പ്രിയ, ഡെപ്യൂട്ടി കളക്ടർമാരായ സി ബിജു, ഗോപിക ഉദയൻ, ജില്ലാ ഇലക്ടറൽ ലിറ്ററസി ക്ലബ്ബ് കോഓഡിനേറ്റർ ഡോ. നിജീഷ് ആനന്ദ്, കാലിക്കറ്റ് യൂണിവേഴ്സിറ്റി ജില്ലാ എൻ.എസ്.എസ്. കോഓഡിനേറ്റർ രാജഗോപാൽ, ജില്ലാ കോഓഡിനേറ്റർ ഫസീൽ അഹമ്മദ്, വൺ ഇന്ത്യ കൈറ്റ് ടീം സാരഥി അബ്ദുല്ല മാളിയേക്കൽ തുടങ്ങിയവർ പങ്കാളികളായി.

ജില്ലയിലെ വിവിധ കോളേജുകളിൽ നിന്നുള്ള 1000 വിദ്യാർഥികൾ മെഗാ കൈറ്റ് ഫെസ്റ്റിവലിൻ്റെ ഭാഗമായി മാറി. പരിപാടിക്ക് മുന്നോടിയായി സരോവരം ബയോ പാർക്കിൽ തിരഞ്ഞെടുത്ത 15 കോളേജുകളിലെ മുന്നൂറോളം കോളേജ് വിദ്യാർത്ഥികൾക്കായി പട്ടം നിർമ്മാണ ശില്പശാല സംഘടിപ്പിച്ചിരുന്നു.

advertisement

എസ്.ഐ.ആർ. നടപടികളുടെയും ഇലക്ഷൻ പ്രചാരണങ്ങളുടെയും ഭാഗമായി വൈവിധ്യമാർന്ന പ്രവർത്തനങ്ങളാണ് ഇലക്ടറൽ ലിറ്ററസി ക്ലബ്ബ്, എൻ.എസ്.എസ്. എന്നിവയുടെ നേതൃത്വത്തിൽ നടന്നത്. എസ്.ഐ.ആർ. പ്രചാരണ പ്രവർത്തനങ്ങളുടെ സമാപനമാകും തിങ്കളാഴ്ച നടന്ന മെഗാ കൈറ്റ് ഫെസ്റ്റിവൽ.