TRENDING:
യുവതിയുടെ ഐഡന്റിറ്റി വെളിപ്പെടുത്തിയെന്നാരോപിച്ച് ഡി.വൈ.എഫ്.ഐ സന്ദീപ് വാര്യർക്കെതിരെയും രാഹുൽ ഈശ്വറിനെതിരെയും ഡിജിപിക്ക് പരാതി നൽകിയിരുന്നു. ഇരുവരുടെയും ഫേസ്ബുക്ക് പോസ്റ്റുകളാണ് പരാതിക്കാധാരം. അതിജീവിതയുടെ ഐഡന്റിറ്റി വെളിപ്പെടുത്തിയത് അപമാനിക്കാനുള്ള ലക്ഷ്യത്തോടെയാണെന്നും സൈബർ ക്രിമിനലുകൾക്ക് കൊത്തിവലിക്കാൻ ഇട്ടുകൊടുത്തതിന് തുല്യമാണ് ഈ നടപടിയെന്നും ഡിവൈഎഫ്‌ഐ പരാതിയിൽ പറഞ്ഞിരുന്നു.
advertisement
സംഭവവുമായി ബന്ധപ്പെട്ട് രാഹുൽ ഈശ്വറിനെ സൈബർ പൊലീസ് കസ്റ്റഡിയിൽ എടുത്തിരുന്നു. ഇദ്ദേഹത്തെ തിരുവനന്തപുരം എ.ആർ. ക്യാമ്പിലെ സൈബർ പോലീസ് സ്റ്റേഷനിൽ ചോദ്യം ചെയ്ത് വരികയാണ് . രാഹുലിന്റെ ഫോണും ലാപ്ടോപ്പും ഹാജരാക്കാൻ നിർദേശമുണ്ട്.സൈബർ പൊലീസ് വീട്ടിലെത്തി ചോദ്യം ചെയ്യലിന് ഹാജരാകാൻ നിർദേശിക്കുകയായിരുന്നു.
അതിജീവിതയുടെ ഐഡന്റിറ്റി വെളിപ്പെടുത്തുന്ന തരത്തിലുള്ള പോസ്റ്റുകളാണ് സന്ദീപ് വാര്യരും രാഹുൽ ഈശ്വറും സമൂഹമാധ്യമങ്ങളിൽ പങ്കുവെച്ചത്. ഈ വിവരങ്ങൾ രാഹുൽ മാങ്കൂട്ടത്തിലിനെ അനുകൂലിക്കുന്ന നിരവധി ഗ്രൂപ്പുകളിൽ വ്യാപകമായി പ്രചരിച്ചിരുന്നു