TRENDING:
ജീവനക്കാര് പലവിധത്തില് തട്ടിപ്പ് നടത്തി കെ.എസ്.ആര്.ടി.സിയെ നഷ്ടത്തിലാക്കുകയാണ്. ചിലർ ഇന്ധനം കടത്തിയും ടിക്കറ്റ് മെഷീനില് ക്രമക്കേട് നടത്തിയും പണം തട്ടിക്കുന്നു. വര്ക്ക് ഷോപ്പുകളില് സാധനങ്ങള് വാങ്ങുന്നതിലും ക്രമക്കേടുണ്ടെന്നും ബിജു പ്രഭാകര് ആരോപിച്ചു.
ദീര്ഘദൂര സ്വകാര്യ ബസുകളെ സഹായിക്കുന്നതിനായി ഒരുവിഭാഗം ജീവനക്കാര് ശ്രമിക്കുന്നു. ഇന്ധനം നടത്തി പണം സമ്പാദിക്കുന്നതിനും ശ്രമം നടക്കുന്നുണ്ട്. പല ജനപ്രതിനിധികളും തങ്ങളുടെ മണ്ഡലത്തില് വണ്ടികള് സ്വന്തം ക്രഡിറ്റിനുവേണ്ടി ഉപയോഗിക്കുന്നുന്നുണ്ടെന്നും കെഎസ്ആര്ടിസി എംഡി ആരോപിച്ചു.
advertisement
2012-2015 കാലയളവില് കെ.എസ്.ആര്.ടിയില്നിന്ന് 100 കോടിയോളം രൂപ കാണാതായി. ഇതുമായി ബന്ധപ്പെട്ട് അന്ന് അക്കൗണ്ട്സ് മാനേജരായിരുന്ന ശ്രീകുമാറിനെതിരെ നടപടി സ്വീകരിക്കും. പോക്സോ കേസില് റിമാന്ഡ് ചെയ്യപ്പെട്ട ജീവനക്കാരനെ തിരിച്ചെടുത്ത വിജിലന്സ് എക്സിക്യൂട്ടീവ് ഡയറക്ടര് പി.എം ഷറഫിനെതിരെയും നടപടി സ്വീകരിക്കുമെന്നും ബിജു പ്രഭാകർ പറഞ്ഞു.
Click here to add News18 as your preferred news source on Google.