പവർ ​ഗ്രൂപ്പിൽ അം​ഗമാണോ? ഞാൻ ഈ നാട്ടുകാരനേ അല്ലെന്ന് മന്ത്രി ​ഗണേഷ് കുമാർ

ഞാൻ ഈ നാട്ടുകാരനല്ലെന്നും താനിപ്പോൾ സിനിമയിൽ ഇല്ലെന്നും സർക്കാരിന്റെ ഭാ​ഗത്ത് നിന്നുള്ള മറുപടി മുഖ്യമന്ത്രി പറഞ്ഞതാണെന്നുമായിരുന്നു ​ഗണേഷ് കുമാർ പറഞ്ഞത്. ​കെഎസ്ആർടിസിയെ കുറിച്ച് എന്തെങ്കിലും ചോദിക്കാൻ ഉണ്ടെങ്കിൽ മറുപടി പറയാമെന്നും ​ഗണേഷ് കുമാർ പറഞ്ഞു.

ചലച്ചിത്ര അക്കാദമി ചെയർമാൻ രഞ്ജിത്തിനെതിരെ ബംഗാളി നടിയാണ് വെളിപ്പെടുത്തൽ നടത്തിയത്. പാലേരിമാണിക്യത്തിൽ ഒഡീഷന് ഹോട്ടലിലെത്തിയപ്പോൾ രഞ്ജിത്ത് കഴുത്തിൽ സ്പർശിച്ചെന്നും തട്ടിമാറ്റി രക്ഷപ്പെട്ടെന്നുമായിരുന്നു ആരോപണം. ഇതിനെ തുടർന്ന് നിരവധി പേരാണ് പ്രതിഷേധവുമായി രം​ഗത്ത് എത്തിയിരുന്നു.