Accident | കൊച്ചിയിൽ കൂട്ടവാഹനാപകടം; കെഎസ്ആർടിസി ബസ് ശബരിമല തീർത്ഥാടകരുടെ വാഹനത്തിൽ ഇടിച്ചു; 20 പേർക്ക് പരിക്ക്
കൊച്ചി (Kochi) ഇടപ്പള്ളിയിൽ കൂട്ട വാഹനാപകടം (Accident). ഇടപ്പള്ളി സിഗ്നലിൽ വെച്ച് കെഎസ്ആർടിസി ബസും (KSRTC) ശബരിമല തീർത്ഥാടകരുടെ (Sabarimala Pilgrims) വാഹനവും ഉൾപ്പെടെ നാലോളം വാഹനങ്ങളാണ് അപകടത്തിൽ പെട്ടത്. അപകടത്തിൽ ബസിലുണ്ടായിരുന്ന 20 പേർക്ക് പരിക്കേറ്റു. കെഎസ്ആർടിസി ബസിന്റെ ബ്രേക്ക് നഷ്ടപ്പെട്ടതാണ് അപകട കാരണം.
Also Read-Fire accident| തിരുവനന്തപുരം പിആർഎസ് ആശുപത്രിക്ക് സമീപം വൻ തീപിടുത്തം
advertisement
ഇടപ്പള്ളി ജംഗ്ഷനിൽ നിന്ന് എറണാകുളം ഡിപ്പോയിലേക്ക് പോകുകയായിരുന്ന കെഎസ്ആർടിസി ബസ് ബ്രേക്ക് നഷ്ടപ്പെട്ടതോടെ ആദ്യം മിനി ലോറിയിൽ ചെന്ന് ഇടിക്കുകയായിരുന്നു. ഇടിയുടെ ആഘാതത്തിൽ മിനിലോറി ശബരിമല തീർത്ഥാടകരുടെ വാഹനത്തിലേക്ക് ചെന്നിടിക്കുകയും തീർത്ഥാടകരുടെ വാഹനം മുന്നോട്ട് ചെന്ന് ബൈക്കിലും ഇടിക്കുകയായിരുന്നു. വലിയൊരു അപകടം തലനാരിഴയ്ക്കാണ് ഒഴിവായതെന്ന് ദൃക്‌സാക്ഷികൾ പറഞ്ഞു.
അതേസമയം, അടുത്തിടെ സർവ്വീസ് നടത്തിയ വണ്ടിയാണ് അപകടത്തിൽപ്പെട്ടതെന്ന് കെഎസ്ആർടിസി ജീവനക്കാർ പറയുന്നു. ഈ റൂട്ടിൽ സ്ഥിരമായി ഓടുന്ന ബസാണ് അപകടത്തിൽ പെട്ടത്.