ബാലുശേരിയിലെ എൽഡിഎഫ് ജാഥയിൽ വേദിയിൽ പെൻഷൻ പണം നൽകിയത് പാർട്ടിക്കാർ പറഞ്ഞിട്ടെന്ന്

പറഞ്ഞതുപോലെ തന്നെ പണം പിന്നീട് തനിക്ക് തിരികെ ലഭിച്ചതായും മൊയ്തീൻ വ്യക്തമാക്കി. താൻ മനപ്പൂർവ്വം നൽകിയതല്ലെന്നും സ്റ്റേജിൽ കയറാനുള്ള ആഗ്രഹം കൊണ്ടാണ് ഇത്തരമൊരു പ്രവർത്തി ചെയ്തതെന്നും മൊയ്തീൻ വെളിപ്പെടുത്തി. ബസ് സ്റ്റോപ്പിൽ നിൽക്കുന്ന സമയത്ത് ഒരു പ്രദേശവാസി പകർത്തിയ വീഡിയോയിലൂടെയാണ് ഈ വിവരങ്ങൾ പുറത്തുവന്നത്.

എൽഡിഎഫ് ജാഥയിൽ മൊയ്തീൻ പണം നൽകുന്നതിന്റെ വീഡിയോ വൈറലായിരുന്നു. പെൻഷൻ കിട്ടിയ പണമാണെന്നും അടുത്ത തവണ യുഡിഎഫ് വന്നാൽ ഇത് ലഭിക്കില്ലെന്നും അതിനാൽ എൽഡിഎഫ് തന്നെ വീണ്ടും അധികാരത്തിൽ വരണമെന്നും പറഞ്ഞുകൊണ്ടാണ് മൊയ്തീൻ പണം കൈമാറിയത്. ഈ ദൃശ്യങ്ങൾ ഇടത് സോഷ്യൽ മീഡിയ ഹാൻഡിലുകൾ വ്യാപകമായി പ്രചരിപ്പിച്ചിരുന്നു. എന്നാൽ എം.വി. ഗോവിന്ദൻ പണം വാങ്ങിയതായി കണക്കിയെന്നു പറഞ്ഞ് അത് മൊയ്തീന്റെ പോക്കറ്റിൽ തന്നെ തിരികെ ഇടുന്നതും വീഡിയോ ദൃശ്യത്തിലുണ്ടായിരുന്നു.

advertisement