'കർഷകനാണ്, കള പറിക്കാൻ ഇറങ്ങിയതാ..' വീണ്ടും ഫേസ്ബുക്കിൽ ഒളിയമ്പുമായി എൻ. പ്രശാന്ത്

‘ഫലഭൂയിഷ്ടമായ കൃഷിയിടത്തെ ഉത്പാദനവും വിളവും നശിപ്പിക്കുന്ന കളകളെ പൂർണ്ണമായും കാംകോയുടെ വീഡർ നശിപ്പിക്കുന്നു. കളകളെ ഇനി ഭയപ്പെടേണ്ടതില്ല‌, ഒന്നാന്തരം വീഡർ വന്ന് കഴിഞ്ഞു! ’ -എന്നാണ് കുറിപ്പിലുള്ളത്.

അഡ‍ീഷണൽ ചീഫ് സെക്രട്ടറി എ ജയതിലകിനെതിരെ എന്‍ പ്രശാന്ത് നടത്തിവരുന്ന വിമർശനങ്ങളുടെ തുടര്‍ച്ചയാണ് ഈ കുറിപ്പെന്നാണ് കമന്റുകളില്‍ പലരും പറയുന്നത്.

ജയതിലകിനെതിരെ തുടർച്ചയായ മൂ​ന്നു ദി​വ​സമാണ് രൂ​ക്ഷ​വി​മ​ർ​ശ​ന​വു​മാ​യി പ്രശാന്ത് ഫേ​സ്​​ബു​ക്കി​ൽ കു​റി​പ്പി​ട്ടത്. ജൂ​നി​യ​ർ ഉ​ദ്യോ​ഗ​സ്ഥ​രു​ടെ ക​രി​യ​റും ജീ​വി​ത​വും ജ​യ​തി​ല​ക്​ ന​ശി​പ്പി​ച്ചെ​ന്നാ​ണ്​ ഇന്നലെ ആരോപിച്ചത്. സ്​​പൈ​സ​സ്​ ബോ​ർ​ഡ്​ ചെ​യ​ർ​മാ​നാ​യി​രു​ന്ന ജ​യ​തി​ല​കി​നെ​തി​രെ എ​ഫ്ഐആ​ർ ര​ജി​സ്റ്റ​ർ ചെ​യ്യ​ണ​മെ​ന്ന സി​ബി​ഐ അ​ഴി​മ​തി​വി​രു​ദ്ധ ബ്യൂ​റോ ശുപാ​ർ​​ശ സം​ബ​ന്ധി​ച്ച പ​ത്ര​വാ​ർ​ത്ത സ​ഹി​ത​മാ​യിരുന്നു​ പ്ര​ശാ​ന്തിന്റെ ​വി​മ​ർ​ശ​നം.

advertisement

അതേസമയം ഐഎ​എ​സ്​ ഉ​ദ്യോ​ഗ​സ്ഥ​രു​ടെ ചേ​രി​പ്പോ​ര്​ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ മ​റ നീ​ക്കി​യ​തോ​ടെ സർക്കാർ നടപടി സ്വീകരിക്കാൻ ഒരുങ്ങുകയാണ്. മ​താ​ടി​സ്ഥാ​ന​ത്തി​ൽ വാട്സാപ്പ്​​ഗ്രൂ​പ്പ്​ ഉ​ണ്ടാ​ക്കി തെ​ളി​വ്​ ന​ശി​പ്പി​ച്ച വ്യ​വ​സാ​യ വാ​ണി​ജ്യ ഡ​യ​റ​ക്ട​ർ കെ ​ഗോ​പാ​ല​കൃ​ഷ്ണ​നെ​തി​രെ ന​ട​പ​ടി​ക്ക്​ ശുപാ​ർ​ശ ചെ​യ്ത്​ ചീ​ഫ്​ സെ​ക്ര​ട്ട​റി ​ ശാ​ര​ദാ മു​ര​ളീ​ധ​ര​ൻ മു​ഖ്യ​മ​ന്ത്രി​ക്ക്​ റി​പ്പോ​ർ​ട്ട്​ കൈ​മാ​റി. ഫോൺ ഹാക്ക് ചെയ്തെന്ന ഗോ​പാ​ല​കൃ​ഷ്ണ​ന്റെ വി​ശ​ദീ​ക​ര​ണം ത​ള്ളു​ന്ന​താ​ണ്​ പൊ​ലീ​സ് റി​പ്പോ​ർ​ട്ടെ​ന്നും ഉ​ചി​ത​മാ​യ ന​ട​പ​ടി വേ​ണ​മെ​ന്നു​മാ​ണ്​ ചീ​ഫ് സെ​ക്ര​ട്ട​റി​യു​ടെ റി​പ്പോ​ർ​ട്ട്. എന്നാൽ, പെ​രു​മാ​റ്റ ച​ട്ടം ലം​ഘി​ച്ച​ എ​ൻ പ്ര​ശാ​ന്തിനെതിരെ മു​ഖ്യ​മ​ന്ത്രി ന​ട​പ​ടി എ​ടു​ക്ക​ട്ടെ എ​ന്നാ​ണ്​ ചീ​ഫ്​ സെ​ക്ര​ട്ട​റി​യു​ടെ നി​ല​പാ​ട്​. താ​ക്കീ​ത്, സ്ഥ​ല​മാ​റ്റം, സ​സ്​​പെ​ൻ​ഷ​ൻ തു​ട​ങ്ങി എ​ന്ത്​ ന​ട​പ​ടി​യാ​ണ്​ ഉ​ണ്ടാ​വു​ക എ​ന്നാ​ണ്​ ഇ​നി അ​റി​യാ​നു​ള്ള​ത്.