ഷൗക്കത്തിന് എതിരായ പരാമർശം പിൻവലിച്ചാൽ അസോ‌ഷ്യേറ്റ് മെമ്പറാക്കാം: തീരുമാനം അൻവറിനെ അറിയിച്ചെന്ന് അടൂർ പ്രകാശ്

യുഡിഎഫ് ആരെ സ്ഥാനാർത്ഥിയായി നിർത്തിയാലും പിന്തുണയ്ക്കുമെന്നായിരുന്നു അൻവർ ആദ്യം പറഞ്ഞത്. ഇതിന് പിന്നാലെയാണ് ഷൌക്കത്തിനെ സ്ഥാനാർത്ഥിയാക്കിയത്. ഇതിനിടെ അദ്ദേഹം യുഡിഎഫിന്റെ സ്ഥാനാര്‍ഥിക്ക് എതിരായി ചില കാര്യങ്ങള്‍ ഉന്നയിച്ചെന്നും അടൂർ പ്രകാശ് പറഞ്ഞു. അങ്ങനെ സ്ഥാനർത്ഥിക്കെതിരെ മോശം വർത്തമാനം പറയുന്നത് ശരിയല്ലെന്ന് അദ്ദേഹത്തെ ബോധ്യപ്പെടുകയാണെന്നും അടൂർ പ്രാകാശ് പറഞ്ഞു.

ഓൺലൈനായാണ് യുഡിഎഫ് നേതാക്കളുടെ യോഗം നടന്നത്. തൃണമൂൽ കോൺഗ്രസിനെ നേരിട്ട് മുന്നണിയിലെടുക്കാനുള്ള പ്രയാസവും യോഗശേഷം മാധ്യമപ്രവർത്തകരോട് സംസാരിക്കവെ അടൂർ പ്രകാശ് പങ്കുവച്ചു.തൃണമൂൽ കോൺഗ്രസിനെ യുഡിഎഫിൽ എടുക്കാൻ എഐസിസിയുടെ അനുമതി വേണമെന്നാണ് ഇന്ന് ചേർന്ന യുഡിഎഫ് യോഗത്തിൽ കോൺഗ്രസ് എടുത്ത നിലപാട്.

advertisement