എനിക്ക് വിശക്കുന്നു...ദോശയും ചമ്മന്തിയും ചോദിച്ച് രാഹുൽ ഈശ്വർ നിരാഹാരം നിർത്തി

പാലക്കാട് എംഎൽഎ രാഹുല്‍ മാങ്കൂട്ടത്തില്‍ പ്രതിയായ ലൈംഗികപീഡനക്കേസിലെ അതിജീവിതയെ സാമൂഹികമാധ്യമം വഴി അധിക്ഷേപിച്ച കേസിൽ റിമാൻഡിൽ കഴിയുന്ന രാഹുൽ ഈശ്വർ ജയിലിലെ നിരാഹാര സമരം അവസാനിപ്പിച്ചു. അഡീഷണല്‍ ചീഫ് ജുഡീഷ്യല്‍ മജിസ്‌ട്രേറ്റ് കോടതി ജാമ്യം നിഷേധിച്ചതോടെയാണ് നിരാഹരം അവസാനിപ്പിച്ചത്.

advertisement

നിരാഹാരമിരുന്നതിനാൽ ചോദ്യം ചെയ്യാൻ കഴിഞ്ഞില്ലെന്ന് പ്രോസിക്യൂഷൻ കോടതിയിൽ പറഞ്ഞിരുന്നു.ആഹാരം കഴിക്കാമെന്ന് ജയിൽ അധികൃതരെ രാഹുൽ അറിയിച്ചു.തു​ട​ർ​ന്ന് ഉ​ദ്യോ​ഗ​സ്ഥ​ർ ഭ​ക്ഷ​ണം വാ​ങ്ങി ന​ൽ​കുകയായിരുന്നു. മൂ​ന്നു ദോ​ശ​യും ച​മ്മ​ന്തി​യും ക​ഴി​ച്ചു കൊ​ണ്ടാ​ണ് നി​രാ​ഹാ​രം രാഹുൽ അ​വ​സാ​നി​പ്പി​ച്ച​ത്.

ഒരാഴ്ചയായി ജ​യി​ലി​ൽ ക​ഴി​യു​ന്ന രാ​ഹു​ൽ ഈ​ശ്വ​ർ വെ​ള്ളം മാ​ത്ര​മാ​ണ് കു​ടി​ച്ചി​രു​ന്ന​ത്. ആ​രോ​ഗ്യ​നി​ല വ​ഷ​ളാ​യ​തി​നെ തു​ട​ർ​ന്ന് മെ​ഡി​ക്ക​ൽ​കോ​ള​ജ് ആ​ശു​പ​ത്രി​യി​ലെ സെല്ലിലേക്ക് രാഹുൽ ഈശ്വറിനെ മാറ്റിയിരുന്നു. അതിജീവിതയ്ക്കെതിരെ സാമൂഹിക മാധ്യമത്തിലിട്ട പോസ്റ്റുകളെല്ലാം പിന്‍വലിക്കാമെന്ന് ജാമ്യാപേക്ഷ പരിഗണിക്കവെ രാഹുൽ കോടതിയിൽ അറിയിച്ചു.