നെഹ്‌റു ട്രോഫി വള്ളംകളിക്ക് എത്തിയ ചുണ്ടൻ വള്ളം അപകടത്തിൽപ്പെട്ടു; ടീം വേമ്പനാട് കായലിൽ കുടുങ്ങി

ശക്തമായ കാറ്റിൽ വള്ളം വലിച്ചുകൊണ്ടിരുന്ന ബോട്ടിന്റെ യന്ത്രം തകരാറിലായതാണ് അപകട കാരണം. ഇതോടെ വള്ളത്തിന്റെ നിയന്ത്രണം നഷ്ടമായി. അപകടത്തിൽ തുഴച്ചിൽക്കാർക്ക് ആർക്കും പരിക്കില്ല.

കുടുങ്ങിയ ടീമിനെ രക്ഷിക്കാൻ കുമരകത്ത് നിന്ന് മറ്റൊരു ബോട്ട് എത്തിച്ചു. ഈ ബോട്ടിന്റെ സഹായത്തോടെ ടീമിനെ പുന്നമടയിലേക്ക് മാറ്റി. ചുണ്ടൻ വള്ളത്തിന് കേടുപാടുകൾ സംഭവിച്ചിട്ടില്ല.