കാന്‍സറിന് കുറഞ്ഞ വിലയ്ക്ക് മരുന്നുകൾ: തിരുവനന്തപുരത്ത് 14 ആശുപത്രികളിൽ 'കാരുണ്യ സ്പർശം' കൗണ്ടറുകൾ പ്രവർത്തനക്ഷമം

സംസ്ഥാന സർക്കാരിൻ്റെ ഈ പദ്ധതിയിലൂടെ ജനങ്ങൾക്ക് ലഭിക്കുന്ന ആശ്വാസം വലുതാണ്. ജനങ്ങൾ നൽകിയ പിന്തുണയിൽ സംസ്ഥാനത്ത് 72 കാരുണ്യ ഫാർമസികളിലേക്ക് കാരുണ്യസ്പര്‍ശം കൗണ്ടറുകള്‍ വ്യാപിപ്പിച്ചിട്ടുണ്ട്.

കാരുണ്യ സ്പര്‍ശം കൗണ്ടറുകളുള്ള കാരുണ്യ ഫാര്‍മസികള്‍ - 247 ബ്രാന്‍ഡഡ് ഓങ്കോളജി മരുന്നുകള്‍ ആണ് ഇവിടെ നിന്ന് ലഭ്യമാകുക. പൊതുമാർക്കറ്റിനേക്കാൾ ഗണ്യമായ വിലക്കുറവിലാണ് ഇവിടെ കാൻസർ മരുന്നുകൾ ലഭിക്കുന്നത്. നിർധനരായ ക്യാൻസർ രോഗികൾക്കും ചികിത്സാ ചെലവുകൾ മൂലം ബുദ്ധിമുട്ടുന്നവർക്കും ആശ്വാസം പകരുന്നുണ്ട് കാരുണ്യ ഫാർമസിയിലൂടെയുള്ള ക്യാൻസർ മരുന്ന് വിതരണം.

advertisement

തിരുവനന്തപുരം ജില്ലയിലെ കാരുണ്യ സ്പർശം കൗണ്ടറുകളുള്ള കാരുണ്യ ഫാർമസികൾ  ഇവയാണ്.

* തിരുവനന്തപുരം മെഡിക്കല്‍ കോളേജ് * സാമൂഹികാരോഗ്യ കേന്ദ്രം കല്ലറ * ജനറല്‍ ആശുപത്രി, നെയ്യാറ്റിന്‍കര (24 മണിക്കൂര്‍) * സ്ത്രീകളുടേയും കുട്ടികളുടേയും ആശുപത്രി, തൈക്കാട് (24 മണിക്കൂര്‍) * താലൂക്കാശുപത്രി, വര്‍ക്കല * ജില്ലാ ആശുപത്രി, പേരൂര്‍ക്കട * കോസ്റ്റല്‍ സ്‌പെഷ്യാലിറ്റി ആശുപത്രി, വലിയതുറ * താലൂക്കാശുപത്രി, ഫോര്‍ട്ട് * ജില്ലാ ആശുപത്രി, നെടുമങ്ങാട് * ജനറല്‍ ആശുപത്രി, തിരുവനന്തപുരം * താലൂക്ക് ഹെഡ്ക്വാര്‍ട്ടേര്‍സ് ആശുപത്രി, പാറശ്ശാല.