കൊടുവഴന്നൂരിന് അഭിമാനമായി അംബിക ടീച്ചർ; സംസ്ഥാനത്തെ മികച്ച അംഗനവാടി ടീച്ചർ പുരസ്കാരം സ്വന്തമാക്കി

കൊടുവഴന്നൂരിലെ അംഗനവാടി കേന്ദ്രീകരിച്ച് കുരുന്നുകളുടെ ശാരീരിക-മാനസിക വളർച്ചയ്ക്കായി അംബിക ടീച്ചർ നടപ്പിലാക്കിയ വൈവിധ്യമാർന്ന പദ്ധതികളും രക്ഷിതാക്കളുമായുള്ള മികച്ച ഏകോപനവും പുരസ്കാര നിർണ്ണയത്തിൽ നിർണ്ണായകമായി. വിദ്യാഭ്യാസത്തോടൊപ്പം കുട്ടികളുടെ പോഷകാഹാര കാര്യങ്ങളിലും വ്യക്തിഗതമായ ശ്രദ്ധ ഉറപ്പാക്കുന്നതിൽ ടീച്ചർ എന്നും മുൻപന്തിയിലുണ്ട്. ഈ നേട്ടം കൊടുവഴന്നൂർ ഗ്രാമത്തിന് വലിയ ആവേശമാണ് പകരുന്നത്.

അംഗനവാടി തലത്തിൽ മികച്ച സേവനം അനുഷ്ഠിക്കുന്ന അധ്യാപകരെ പ്രോത്സാഹിപ്പിക്കുന്നതിനായി സർക്കാർ ഏർപ്പെടുത്തിയ ഈ അവാർഡ്, അംബിക ടീച്ചറുടെ വർഷങ്ങളായുള്ള ആത്മാർത്ഥമായ അധ്യാപന ജീവിതത്തിനുള്ള വലിയൊരു ആദരം കൂടിയാണ്. അംബിക ടീച്ചറെ വിവിധ ജനപ്രതിനിധികളും സാംസ്കാരിക സംഘടനകളും ഒക്കെ ആദരിക്കുകയും ചെയ്തു. അധ്യാപനത്തെ മികച്ച രീതിയിൽ മുന്നോട്ടുകൊണ്ടുപോകുന്ന ടീച്ചർക്ക് ഈ അവാർഡ് ജീവിതത്തിലെ ഏറ്റവും മികച്ച അംഗീകാരങ്ങളിൽ ഒന്നാണ്.

advertisement