'അരിവാളം ബീച്ച്'; എത്ര കണ്ടാലും മതിവരാത്ത വിശാലമായ കടൽ തീരം

വർക്കല വെട്ടൂർ പഞ്ചായത്തിലാണ് ഈ മനോഹരമായ കടൽതീരം സ്ഥിതിചെയ്യുന്നത്. കേരള സംസ്ഥാന തീരദേശ വികസന കോർപ്പറേഷന്റെ കീഴിൽ മത്സ്യഗ്രാമം പദ്ധതിയിൽ ഉൾപ്പെടുത്തി പ്രാദേശിക ടൂറിസം വികസനത്തിനായി വെട്ടൂർ ഗ്രാമപഞ്ചായത്തിൽ നടപ്പിലാക്കിയതാണ് അരിവാളം ടൂറിസം പദ്ധതി.

ടൂറിസത്തിന്റെ അനന്ത സാദ്ധ്യതകൾ ലക്ഷ്യം വച്ച് 2016 ൽ യാഥാർത്ഥ്യമായ പദ്ധതിയാണിത്. എന്നാൽ, നിലവിൽ ബീച്ചിലെ അടിസ്ഥാന വികസന സൗകര്യങ്ങൾ പലതും ഇപ്പോഴും അപര്യാപ്തമാണ് അതിനാൽ തന്നെ മുതിർന്നവരും കുട്ടികളും ഒക്കെയായി എത്തുമ്പോൾ അല്പം മുൻകരുതൽ വേണം. വിശാലമായ അരിവാളം ബീച്ച് പാർക്കിൽ വാരാന്ത്യ ദിനങ്ങളിൽ നിരവധി ആഭ്യന്തര വിനോദ സഞ്ചാരികളാണ് എത്തുന്നത്. വർക്കലയിലേക്കും സമീപ പ്രദേശങ്ങളിലേക്കും ഒക്കെ ട്രിപ്പ് പ്ലാൻ ചെയ്യുന്നവർക്ക് അരിവാളം ബീച്ച് കൂടി സന്ദർശിച്ചാണ് മടങ്ങുന്നത്.

advertisement