ടെക്നോപാർക്കിന് പിന്നാലെ ജീനോം സിറ്റി; ബയോടെക്നോളജി ഭാവിയെ മാറ്റി എഴുതാൻ തിരുവനന്തപുരം

ഏകദേശം 3,500 കോടി നിക്ഷേപം പ്രതീക്ഷിക്കുന്ന ഈ ബൃഹദ് പദ്ധതിയിലൂടെ കുറഞ്ഞത് 15,000 പുതിയ തൊഴിലവസരങ്ങൾ സൃഷ്ടിക്കപ്പെടുമെന്നാണ് വിലയിരുത്തൽ. ഫാർമസ്യൂട്ടിക്കൽ കമ്പനികൾ, മെഡിക്കൽ ഉപകരണ നിർമ്മാതാക്കൾ, ബയോടെക് സ്ഥാപനങ്ങൾ, അത്യാധുനിക ഗവേഷണ കേന്ദ്രങ്ങൾ എന്നിവയുടെ ഒരു സംയോജിത കേന്ദ്രമായിരിക്കും ഈ ജീനോം സിറ്റി. മെഡിക്കൽ ഉപകരണങ്ങളുടെയും ലൈഫ് സയൻസ് ഉൽപ്പന്നങ്ങളുടെയും ഉത്പാദനത്തിലും കയറ്റുമതിയിലും തിരുവനന്തപുരത്തെ മാത്രമല്ല, കേരളത്തെ തന്നെ ലോക ഭൂപടത്തിൽ അടയാളപ്പെടുത്താൻ ഈ പദ്ധതി സഹായിക്കും.

അന്താരാഷ്ട്ര വിമാനത്താവളവുമായും നിർമ്മാണത്തിലിരിക്കുന്ന തിരുവനന്തപുരം അന്താരാഷ്ട്ര തുറമുഖവുമായും അടുത്തുള്ള സ്ഥാനം, മെഡിക്കൽ ഉപകരണങ്ങളുടെ ഇറക്കുമതിയും കയറ്റുമതിയും എളുപ്പമാക്കാൻ സഹായകമാകും. ജീനോം സിറ്റിക്കൊപ്പം, കേരളത്തിൻ്റെ ആദ്യത്തെ മെഡിക്കൽ ഉപകരണ കേന്ദ്രമായ മെഡ്‌സ്‌പാർക്കിൻ്റെ നിർമ്മാണവും തോന്നയ്ക്കലിൽ പുരോഗമിക്കുകയാണ്. തിരുവനന്തപുരത്തെ കേരളത്തിൻ്റെ ഐടി ​തലസ്ഥാനമാക്കിയ ടെക്നോപാർക്ക് എങ്ങനെയാണ് സംസ്ഥാനത്തിൻ്റെ ഐടി ഭാവിയെ മാറ്റി എഴുതിയത്, അതുപോലെ ബയോടെക് രംഗത്തെ വിപ്ലവമായിരിക്കും ഈ ജീനോം സിറ്റി എന്നാണ് സംസ്ഥാന സർക്കാർ ഉൾപ്പെടെ പ്രതീക്ഷിക്കുന്നത്.

advertisement