ഉഗ്രരൂപിയായ ഭദ്രകാളിക്ക് സമർപ്പിച്ച കൊണ്ണിയൂർ ഭദ്രകാളി ക്ഷേത്രം

ക്ഷേത്രത്തിലെ ആണ്ടുതോറുമുള്ള തിരു-ഉത്സവം കുംഭമാസത്തിൽ ശിവരാത്രിയോടനുബന്ധിച്ച് 7 ദിവസങ്ങളിലായി ആഘോഷിക്കുന്നു. ക്ഷേത്രോത്സവം ക്ഷേത്രം തന്ത്രിയുടെ മുഖ്യകാർമ്മികത്വത്തിൽ തൃക്കൊടിയേറ്റോടുകൂടി സമാരംഭിച്ച് കൊടിമരഘോഷയാത്ര, അഷ്‌ടദ്രവ്യ മഹാഗണപതിഹോമം, ഉത്സവ വിളംബരഘോഷയാത്ര, കലശാഭിഷേകം, അന്നദാനം, കലാസാംസ്കാരിക പരിപാടികൾ, പൊങ്കാല, കൊണ്ണിയൂരമ്മയുടെ പുറത്ത് എഴുന്നഉള്ളത്ത്, ഭദ്രകാളിപ്പാട്ട്, കളംകാവൽ, താലപ്പൊലി, ഗുരുതി എന്നിവയോടെ 7 -ാം ദിവസം പര്യവസാനിക്കുന്നു. ദുർഗ്ഗാദേവിയുടെ ഒമ്പത് ഭാവങ്ങളെ ആരാധിക്കുന്ന നവരാത്രി നാളുകളിൽ ഒമ്പത് ദിവസങ്ങളിലായി നവരാത്രി ഉത്സവം ആഘോഷിക്കുന്നു. ആഘോഷങ്ങളിൽ ദിവസേനയുള്ള പ്രത്യേക പൂജകൾ, നൃത്തസംഗീത പരിപാടികൾ, പൂജവെപ്പ്, വിജയദശമി നാളിൽ കുട്ടികളുടെ പഠനത്തിന് തുടക്കം കുറിക്കുന്ന വിദ്യാരംഭം എന്നിവ പ്രധാനമാണ്.

advertisement