കുമ്പിച്ചൽക്കടവ് പാലത്തിന് താഴെ ചിൽഡ്രൻസ് പാർക്കും സെൽഫി പോയിൻ്റും; അമ്പൂരിയുടെ മുഖച്ഛായ മാറും

അമ്പൂരി പ്രദേശത്തിൻ്റെ ടൂറിസം സാധ്യതകൾ കൂടി കണക്കിലെടുത്ത് ഈ പാലത്തെ ഉപയോഗപ്പെടുത്തി ഒരു വിനോദ കേന്ദ്രം ആരംഭിക്കുമെന്ന് നേരത്തെ സർക്കാർ പ്രഖ്യാപിച്ചിരുന്നു. പൊതുമരാമത്ത്, വിനോദ സഞ്ചാര വകുപ്പുകൾക്കായി തയ്യാറാക്കിയ ഡിസൈൻ പോളിസി പ്രകാരം, തിരുവനന്തപുരം ജില്ലയിലെ അമ്പൂരി കുമ്പിച്ചൽക്കടവ് പാലത്തിൻ്റെ താഴെ ഭാഗത്ത് ഒഴിഞ്ഞുകിടക്കുന്ന സ്ഥലം ഉപയോഗപ്പെടുത്തിയാണ് വിനോദ സഞ്ചാര കേന്ദ്രമാക്കി മാറ്റുന്നത്.

ഇവിടെ കുട്ടികൾക്കായി ചിൽഡ്രൻസ് പാർക്ക്, ഗെയിംസോൺ എന്നിവയും സന്ദർശകർക്കായി ബോട്ട് ഡെക്ക്, റീഡിങ് കോർണർ, സെൽഫി പോയിൻ്റ്, ആർട്ടീരിയ പെയിൻ്റിങ്ങുകൾ, വൈദ്യുത ദീപാലങ്കാരം എന്നിവയുൾപ്പെടെ വിവിധ സൗകര്യങ്ങളും ക്രമീകരിക്കും. ഈ പദ്ധതി യാഥാർത്ഥ്യമാകുന്നതോടെ അമ്പൂരിയുടെ മുഖച്ഛായ അടിമുടി മാറുമെന്നും കൂടുതൽ സഞ്ചാരികളെ ആകർഷിക്കുമെന്നും അധികൃതർ അറിയിച്ചു.

advertisement