അന്താരാഷ്ട്ര അംഗീകാരം: നേമം ബ്ലോക്ക് പഞ്ചായത്തിന് ISO സർട്ടിഫിക്കേഷൻ

ഒരു സാധാരണ ഭരണസംവിധാനം എന്നതിൽ നിന്ന് മാറി, ലോകോത്തര നിലവാരമുള്ള ഒരു സ്ഥാപനമായി നേമം ബ്ലോക്ക് പഞ്ചായത്ത് ഉയർന്നിരിക്കുന്നു. ഭരണനിർവ്വഹണത്തിലും പൊതുജനങ്ങൾക്ക് നൽകുന്ന സേവനങ്ങളിലും നിലവാരവും സുതാര്യതയും ഉറപ്പുവരുത്താൻ ബ്ലോക്ക് പഞ്ചായത്ത് സ്വീകരിച്ച നടപടികളുടെ ഫലമായാണ് ഈ സുപ്രധാന നേട്ടം കൈവരിച്ചത്.

ഇത് ബ്ലോക്ക് പഞ്ചായത്തിൻ്റെ പ്രവർത്തനങ്ങളെ കൂടുതൽ മെച്ചപ്പെടുത്തുന്നതിനും പൊതുജനങ്ങൾക്ക് കൂടുതൽ പ്രയോജനകരമായ രീതിയിൽ സേവനങ്ങൾ എത്തിക്കുന്നതിനും സഹായകമാകും. ISO അംഗീകാരം ലഭിച്ചതിൻ്റെ സന്തോഷം ബ്ലോക്ക് പഞ്ചായത്തിലെ ജീവനക്കാർ കേക്കുമുറിച്ച് ആഘോഷിച്ചു. തിരുവനന്തപുരം ജില്ലയിൽ ISO സർട്ടിഫിക്കറ്റ് കരസ്ഥമാക്കുന്ന ബ്ലോക്ക് പഞ്ചായത്തുകളുടെ നിരയിലേക്ക് നേമം ബ്ലോക്ക് പഞ്ചായത്ത് കൂടി ഉയർത്തപ്പെട്ടിരിക്കുകയാണ്.

advertisement