ചികിത്സാച്ചെലവ് കുറയും; നെയ്യാറ്റിൻകര ജനറൽ ആശുപത്രിയിൽ അത്യാധുനിക ലാബ് സേവനങ്ങൾ

കാൻസർ രോഗ നിർണ്ണയത്തിന് സഹായിക്കുന്ന ട്യൂമർ മാർക്കർ പരിശോധനകളായ CA-125, CA-15-3, CA-19-9, CEA, AFP, PSA എന്നിവ നിലവിൽ ഇവിടെ ലഭ്യമാണ്. ഇതിനായി ഒ.പി. ടിക്കറ്റ് എടുക്കാതെ തന്നെ മൊബൈൽ ഫോണോ യു.എച്ച്.ഐ.ഡി. (UHID) നമ്പറോ ഉപയോഗിച്ച് രജിസ്റ്റർ ചെയ്യാനുള്ള സൗകര്യവും ഒരുക്കിയിട്ടുണ്ട്. സർക്കാർ ആശുപത്രികളിൽ തന്നെ ഉയർന്ന നിലവാരത്തിലുള്ള ചികിത്സാ സൗകര്യങ്ങൾ ഉറപ്പാക്കി സാധാരണക്കാർക്ക് ആശ്വാസമേകുക എന്നതാണ് ഈ പദ്ധതിയിലൂടെ ലക്ഷ്യമിടുന്നത്.