ഭിന്നശേഷി കുട്ടികൾക്കായി തണൽ; പാറശ്ശാലയിൽ ഓട്ടിസം പാർക്ക് യാഥാർത്ഥ്യമാകുന്നു

പാറശ്ശാല ബി.ആർ.സി. കോമ്പൗണ്ടിലാണ് അത്യാധുനിക സൗകര്യങ്ങളോടെ ഈ സെൻ്റർ യാഥാർത്ഥ്യമാകുന്നത്. വെറുമൊരു പാർക്ക് എന്നതിലുപരി, ഓട്ടിസം ബാധിച്ച കുട്ടികളുടെ ശാരീരികവും മാനസികവുമായ ഉന്നമനം ലക്ഷ്യമിട്ടുള്ള ശാസ്ത്രീയമായ ഇടപെടലുകൾ ഒരിടത്ത് തന്നെ ലഭ്യമാക്കുക എന്നതാണ് തണൽ പദ്ധതിയിലൂടെ ലക്ഷ്യമിടുന്നത്.

കുട്ടികളുടെ സംസാരശേഷി വികസിപ്പിക്കുന്നതിനുള്ള സ്പീച്ച് തെറാപ്പി, ശാരീരിക ചലനങ്ങൾക്ക് സഹായിക്കുന്ന ഫിസിയോതെറാപ്പി തുടങ്ങിയ ആധുനിക ചികിത്സാരീതികൾ ഇവിടെ സജ്ജമാക്കും. കൂടാതെ കുട്ടികളെ സമൂഹത്തിൻ്റെ മുഖ്യധാരയിലേക്ക് കൊണ്ടുവരുന്നതിനുള്ള പ്രത്യേക പരിശീലന കേന്ദ്രമായും വിനോദത്തിനും വിജ്ഞാനത്തിനുമായി ഭയരഹിതമായ അന്തരീക്ഷത്തിൽ കളിക്കാനുള്ള സൗകര്യമായും ഈ കേന്ദ്രം പ്രവർത്തിക്കും. പാറശ്ശാലയിലെ ഭിന്നശേഷിക്കാരായ കുട്ടികളുടെ മികച്ച ഭാവിയിലേക്കുള്ള സർക്കാരിൻ്റെ വലിയൊരു കരുതലായി ഈ പദ്ധതി മാറും.

advertisement