'ആയിരം വില്ലാളികളുടെ ശക്തിയുള്ളവൻ'; മലദൈവത്തിൻ്റെ ശക്തി വിളിച്ചോതി ശ്രീ ആയിരവല്ലി ക്ഷേത്രം

ഇത് ശിവൻ്റെ സങ്കൽപ്പത്തിലുള്ള ഒരു പ്രതിഷ്ഠയാണ്. ആയിരവില്ലി ക്ഷേത്രങ്ങൾ പണ്ട് കാലത്ത് 'ആയിരവില്ലിക്കളങ്ങൾ' എന്ന പേരിലാണ് അറിയപ്പെട്ടിരുന്നത്. കാലക്രമേണ അവ വലിയ ക്ഷേത്രങ്ങളായി രൂപാന്തരപ്പെട്ടു. 'ആയിരം വില്ലോട് കൂടിയവൻ' അഥവാ 'ആയിരം വില്ലാളികളുടെ ശക്തിയുള്ളവൻ' എന്നെല്ലാം അർഥം വരുന്ന ഈ നാമം സൂചിപ്പിക്കുന്നത് ശിവൻ്റെ കിരാത ഭാവത്തിലുള്ള പ്രതിഷ്ഠയെയാണ്.

ഗണപതി, യോഗീശ്വരൻ, നാഗരാജാവ്, നാഗമാതാവ് തുടങ്ങിയ ഉപദേവതാ പ്രതിഷ്ഠകളും ഈ ക്ഷേത്രത്തിലുണ്ട്. പേരയം ആയിരവല്ലി ക്ഷേത്രത്തിലെ ആണ്ടുതോറുമുള്ള 'മഹോത്സവം' വളരെ വിപുലമായി ആഘോഷിക്കപ്പെടുന്നു. കുംഭമാസത്തിൽ ഏഴു ദിവസങ്ങളിലായി നടക്കുന്ന ഈ മഹോത്സവം കുംഭമാസത്തിലെ പൂരാടം നാളിൽ ആരംഭിച്ച് ഉതൃട്ടാതി നാളിൽ സമാപിക്കുന്ന രീതിയിലാണ് ചിട്ടപ്പെടുത്തിയിരിക്കുന്നത്.

advertisement