തിരുവനന്തപുരം ഗവ. തമിഴ് എൽ.പി. സ്കൂളിൽ ‘വർണ്ണക്കൂടാരം’ ഉദ്ഘാടനം ചെയ്തു

പൊതുവിദ്യാഭ്യാസ സംരക്ഷണ യജ്ഞത്തിൻ്റെ ഭാഗമായി ഭാഷാപരമായ വേർതിരിവുകളില്ലാതെ, തമിഴ്-കന്നട ന്യൂനപക്ഷ വിദ്യാലയങ്ങളെയടക്കം എല്ലാ പൊതുവിദ്യാലയങ്ങളെയും മികവിൻ്റെ കേന്ദ്രങ്ങളാക്കാൻ സർക്കാർ പ്രതിജ്ഞാബദ്ധമാണെന്ന് ഉദ്ഘാടന പ്രസംഗത്തിൽ മന്ത്രി പറഞ്ഞു. ഈ ലക്ഷ്യം യാഥാർത്ഥ്യമാക്കാൻ മുന്നിട്ടിറങ്ങിയ അധ്യാപകർക്കും രക്ഷകർത്താക്കൾക്കും നാട്ടുകാർക്കും ഹൃദയത്തിൽ നിന്ന് നന്ദി രേഖപ്പെടുത്തുന്നു എന്നും മന്ത്രി കൂട്ടിച്ചേർത്തു.

പ്രീ പ്രൈമറി തലം മുതലുള്ള വിദ്യാർത്ഥികളുടെ പഠനം കൂടുതൽ ആകർഷകം ആക്കുന്നതിന് വേണ്ടിയാണ് പഠന മുറികൾ മനോഹരമായി നിർമിക്കുന്നത്. ഇവയാണ് വർണ്ണ കൂടാരം എന്ന പേരിൽ അറിയപ്പെടുന്നത്. സമഗ്ര ശിക്ഷാ കേരളയുടെ ഭാഗമായാണ് ഇത്തരത്തിൽ കെട്ടിടങ്ങൾ ആശയവിനിമയത്തിനും പഠനത്തിൻ്റെ മികവിനും വേണ്ടി പുനർ നിർമ്മിക്കുന്നത്.

advertisement