ഇൻഫ്ലുവെൻസറുടെ ജോലിയും കൂലിയും ഇല്ലാത്ത ഭർത്താവിന് സ്മാർട്ട് വാച്ചിലൂടെ അവിഹിതം; കയ്യോടെ പിടിച്ച് ഭാര്യ

സോഷ്യൽ മീഡിയയിൽ തന്റെ ദുഃഖം പങ്കുവെച്ച നൂറിൻ, മറ്റേ സ്ത്രീ ബിരുദ വിദ്യാർത്ഥിനിയാണെന്ന് വെളിപ്പെടുത്തി. ഭർത്താവും മൂന്നാം കക്ഷിയും തമ്മിലുള്ള അടുപ്പവും പ്രണയം നിറഞ്ഞ സന്ദേശങ്ങളുടെ ഭാഗങ്ങളും അവർ പോസ്റ്റ് ചെയ്തു.

“സ്ഥിരമായി ജോലി ഇല്ലാതിരുന്നപ്പോഴും ഞാൻ അദ്ദേഹത്തെ പിന്തുണച്ചു. ആളുകൾ തൊഴിലില്ലാത്തവൻ എന്ന് വിളിച്ചപ്പോഴും ഞാൻ അയാളെക്കുറിച്ച് വളരെയധികം അഭിമാനിച്ചു. ഭർത്താവ് ഫുഡ് ഡെലിവറി റൈഡറായി ജോലി ചെയ്യുന്നുണ്ടെന്ന് എല്ലാവരോടും പറഞ്ഞുകൊണ്ട് ഞാൻ അദ്ദേഹത്തെ ന്യായീകരിച്ചു,” നൂറിൻ ടിക് ടോക്ക് വീഡിയോയിൽ പറഞ്ഞു.

advertisement

സംഭവത്തിൽ ഉൾപ്പെട്ട സ്ത്രീയെ കുറിച്ച് അവർ പറയുന്നു: “നിങ്ങൾ എന്റെ ഭർത്താവിനൊപ്പമാണെന്ന് നിങ്ങളുടെ മാതാപിതാക്കൾ കണ്ടെത്തിയാൽ അവർക്ക് എന്തു തോന്നും? എനിക്ക് ഇതിൽ നിന്ന് മാറിനിൽക്കാമായിരുന്നു, പക്ഷേ എനിക്ക് രണ്ട് വയസ്സുള്ള ഒരു കുട്ടിയുള്ളപ്പോൾ അത് അവഗണിക്കാൻ കഴിയില്ല!”

ടെമർലോയിൽ നിന്നുള്ള സ്ത്രീയാണെന്നും അവർ എസ്‌ടി‌പി‌എം വിദ്യാർത്ഥിയാണെന്നും നൂറിൻ പ്രത്യേകം പരാമർശിച്ചു. “എന്റെ മാതാപിതാക്കളുടെ പേരിൽ ഞാൻ സത്യം ചെയ്യുന്നു; ഈ ജീവിതത്തിലോ പരലോകത്തിലോ നിങ്ങൾക്ക് ഒരിക്കലും സന്തോഷം കണ്ടെത്താനാവില്ല,” അവർ പറഞ്ഞു.

നൂറിനും ഭർത്താവും വിഷയം കോടതിയിൽ എത്തിച്ചു. മലേഷ്യയിൽ, മുസ്ലീങ്ങൾക്കായുള്ള ഇസ്ലാമിക നിയമവുമായി ബന്ധപ്പെട്ട കാര്യങ്ങൾ കൈകാര്യം ചെയ്യുന്ന പ്രത്യേക കോടതിയിലാണ് അവർ എത്തിയത്. വിവാഹം, വിവാഹമോചനം, കുട്ടികളുടെ സംരക്ഷണം, അനന്തരാവകാശം, മതപരമായ കുറ്റകൃത്യങ്ങൾ തുടങ്ങിയ വിഷയങ്ങൾ ഇവിടെ കൈകാര്യം ചെയ്യുന്നു.

ക്രിമിനൽ കേസുകൾ, കരാറുകൾ, സ്വത്ത് തർക്കങ്ങൾ തുടങ്ങിയ പൊതുവായ നിയമപരമായ കാര്യങ്ങൾ കൈകാര്യം ചെയ്യുന്ന സിവിൽ കോടതികളിൽ നിന്ന് വ്യത്യസ്തമായി, ഈ കോടതിക്ക് മുസ്ലീങ്ങളുടെ മേൽ മാത്രമേ അധികാരപരിധിയുള്ളൂ. ഇസ്ലാമിക തത്വങ്ങൾക്കനുസൃതമായി ഇവിടെ വിധി നടപ്പിലാക്കുന്നു.

വീട്ടിലെ സാഹചര്യം ഒരു പരിധിവരെ ശാന്തമായെങ്കിലും, മറ്റേ സ്ത്രീയോട് താൻ ക്ഷമിക്കില്ലെന്ന് നൂറിൻ വ്യക്തമാക്കി. “ടെമെർലോയിൽ നിന്നുള്ള പെൺകുട്ടിയോട് ഞാൻ ഒന്നും അവസാനിപ്പിച്ച് പോയിട്ടില്ല എന്ന് പറയട്ടെ. നിനക്ക് ഇതിൽ നിന്നും രക്ഷപെടാൻ കഴിയില്ല. ഇന്നല്ലെങ്കിൽ, അത് മറ്റേതെങ്കിലും ദിവസമായിരിക്കും,” അവർ പറഞ്ഞു.

തന്റെ മകനുവേണ്ടിയും നൂറിൻ ഒരു പോസ്റ്റ് എഴുതി. “നിനക്ക് തെറ്റായ പിതാവിനെ തിരഞ്ഞെടുത്തതിന് എന്നോട് ക്ഷമിക്കൂ. ഒരുപക്ഷേ ഞാൻ ഒരു നല്ല ഭാര്യയായിരുന്നില്ലായിരിക്കാം, പക്ഷേ നിനക്ക് ഏറ്റവും ശക്തയും സ്നേഹനിധിയുമായ അമ്മയാകുമെന്ന് ഞാൻ വാഗ്ദാനം ചെയ്യുന്നു.”