ദക്ഷിണാഫ്രിക്കയും ശ്രീലങ്കയും തമ്മിലുള്ള രണ്ടാം ഏകദിന മത്സരത്തിനിടെയാണ് 'ധോണി' ചര്‍ച്ചയായിരിക്കുന്നത്. വിക്കറ്റ് കീപ്പര്‍ ക്വിന്റണ്‍ ഡി കോക്ക് പുറത്ത് പോയപ്പോള്‍ ഡേവിഡ് മില്ലറായിരുന്നു വിക്കറ്റ് കീപ്പറുടെ റോളില്‍ കളത്തിലെത്തിയത്. വിക്കറ്റിനു പിന്നില്‍ നിന്ന സമയത്ത് മിന്നല്‍ സ്റ്റംപിങ്ങിലൂടെ താരം കാണികളുടെ മനം കവരുകയും ചെയ്തു.
Also Read: ടീം ബസില്‍ നാളെയും പോകാം; ജന്മനാട്ടിലെ മത്സരത്തിന് ധോണിയെത്തിയത് ഹമ്മറില്‍; കൂടെ പന്തും ജാദവും
ഇമ്രാന്‍ താഹിര്‍ എറിഞ്ഞ 32 ാം ഓവറിലായിരുന്നു മില്ലറുടെ മിന്നല്‍ സ്റ്റംപിങ്. ലങ്കന്‍ താരം വിശ്വ ഫെര്‍ണാണ്ടോ ഷോട്ട് നഷ്ടപ്പെടുത്തിയപ്പോള്‍ പന്ത് കൈയ്യില്‍ കിട്ടിയ ഉടന്‍ മില്ലര്‍ സ്റ്റംപ് തെറിപ്പിക്കുകയായിരുന്നു. താരത്തിന്റെ മിന്നല്‍ വേഗതകണ്ട് സ്ലിപ്പില്‍ ഫീല്‍ഡ് ചെയ്യുകയായിരുന്ന നായകന്‍ ഫാഫ് ഡൂപ്ലെസി എംഎസ്ഡി എന്ന് വിളിച്ചായിരുന്നു പ്രകടനത്തെ അഭിനന്ദിച്ചത്. സംഭവത്തിന്റെ ദൃശ്യങ്ങള്‍ സോഷ്യല്‍ മീഡിയയില്‍ വൈറലായിരിക്കുകയാണ്.
advertisement