റൊണാൾഡോയെ കാണാൻ ഖത്തറിൽനിന്ന് ഗാനിം അൽ മുഫ്താഹ് എത്തി; പ്രകാശപൂരിതമാക്കിയെന്ന് താരം

സൗദി ഫുട്ബോൾ ലീഗ്​ മത്സരങ്ങളുടെ ഭാഗമായി വെള്ളിയാഴ്​ച വൈകിട്ട്​ റിയാദിലെ മർസുൽ പാർക്ക്​ സ്​റ്റേഡിയത്തിൽ നടന്ന അൽനസ്​ർ-അൽതായി മത്സരത്തിനിടെയാണ്​ ഗാനിം, റൊണാൾഡോയെ കണ്ടത്.

രണ്ട് മത്സരങ്ങളിൽ വിലക്ക് ഉള്ളതിനാലാണ് റൊണാൾഡോയ്ക്ക് അൽതായിക്കെതിരായ മത്സരത്തിന് ഇറങ്ങാൻ സാധിക്കാതിരുന്നത്. അതുകൊണ്ടുതന്നെ തന്‍റെ ടീമിന്‍റെ കളി റൊണാൾഡോയ്ക്ക് ഗ്യാലറിയിൽ ഇരുന്ന് കാണേണ്ടിവന്നു.

advertisement

അതിനിടയിലാണ് റൊണാൾഡോയ്ക്ക് അരികിലേക്ക് ഗാനിം എത്തിയത്. മത്സരം കഴിഞ്ഞ ശേഷം​ റൊണാൾഡോയ്‌ക്കൊപ്പമുള്ള ഫോട്ടോ ഗാനിം തന്റെ ട്വിറ്റർ ഹാൻഡിലിൽ പോസ്​റ്റ്​ ചെയ്​തു. ‘ഗാനിം ഞങ്ങളെ പ്രകാശപൂരിതമാക്കി’ എന്ന കാപ്​ഷനോടെ ഗാനിമിനൊപ്പമുള്ള റൊണോൾഡോയുടെ ഫോട്ടോ അൽ നസ്​ർ ക്ലബും പങ്കുവെച്ചു.