'എന്‍റെ വോട്ട് അവന്'; ന്യൂസിലാൻഡർ ഓഫ് ദ ഇയർ അവാർഡിനെക്കുറിച്ച് ബെൻ സ്റ്റോക്ക്സ്; അഭിനന്ദിച്ച് ICC

ഇംഗ്ലീഷ് താരത്തിന്‍റെ ഈ നിലപാട് #SpiritOfCricket എന്ന ഹാഷ് ടാഗോടെയാണ് ഐസിസി ട്വീറ്റ് ചെയ്തത്. ഏതൊരു സാഹചര്യത്തിലും സമചിത്തതയോടെയും വിനയത്തോടെയുമാണ് വില്യംസൺ പെരുമാറുന്നതെന്ന് സ്റ്റോക്ക്സ് ചൂണ്ടിക്കാട്ടി. പുരസ്ക്കാരത്തിന് അർഹൻ അദ്ദേഹമാണ്, തന്‍റെ വോട്ട് വില്യംസണ് ആയിരിക്കും- സ്റ്റോക്ക്സ് പറയുന്നു.

ക്രിക്കറ്റ് ആരാധകർ ഐസിസിയുടെ ഈ ട്വിറ്റ് ഏറ്റെടുത്തതോടെ സംഗതി വൈറലായി. വില്യംസണെയും സ്റ്റോക്ക്സിനെയും അഭിനന്ദിച്ച് നിരവധിപ്പേരാണ് രംഗത്തെത്തുന്നത്. രണ്ടുപേരും മികച്ച ക്രിക്കറ്റർമാരാണെന്നാണ് ഭൂരിഭാഗം പേരും അഭിപ്രായപ്പെടുന്നത്. ഇതിനിടയിൽ ഫൈനലിലെ സൂപ്പർ ഓവർ വിവാദത്തിൽ ഐസിസിയെ വിമർശിക്കുന്നവരുമുണ്ട്.