ഇന്ത്യ-വെസ്റ്റ് ഇൻഡീസ് ഏകദിന പരമ്പരയിലെ ആദ്യ മത്സരം തിരുവനന്തപുരത്ത്;മത്സരക്രമം പുറത്തുവിട്ട് BCCI 

17 നഗരങ്ങളിലായി നാല് വിദേശ ടീമുകൾക്കെതിരെ നടക്കുന്ന 22 മത്സരങ്ങൾ ഉൾപ്പെടുന്ന തിരക്കേറിയ ഷെഡ്യൂളാണ് ബിസിസിഐ പുറത്തുവിട്ടത്. വരാനിരിക്കുന്ന സീസണിൽ വെസ്റ്റ് ഇൻഡീസിനി പുറമെ ശ്രീലങ്ക, സിംബാബ്‌വെ, ഓസ്‌ട്രേലിയ എന്നീ ടീമകളും ഇന്ത്യയിൽ കളിക്കും.

ഗുവാഹത്തി, ന്യൂ ചണ്ഡിഗഡ് എന്നിവിടങ്ങളിലാണ് ഇൻഡീസുമായുള്ള ഏകദിന പരമ്പരയിലെ മറ്റ് രണ്ട് മത്സരങ്ങൾ നടക്കുക. തുടർന്ന് ലഖ്‌നൗ, റാഞ്ചി, ഇൻഡോർ, ഹൈദരാബാദ്, ബെംഗളൂരു എന്നിവിടങ്ങളിൽ നടക്കുന്ന അഞ്ച് ട്വന്റി-20 (T20I) മത്സരങ്ങളും വെസ്റ്റ് ഇന്ഡീസിെതിരെ ഇന്ത്യ കളിക്കും

advertisement

2026 ഡിസംബറിൽ മൂന്ന് ഏകദിനങ്ങളും മൂന്ന് ട്വന്റി-20 മത്സരങ്ങളും അടങ്ങുന്ന വൈറ്റ് ബോൾ പരമ്പരയ്ക്കായി ശ്രീലങ്കൻ ടീം ഇന്ത്യയിലെത്തും. ഏകദിന മത്സരങ്ങൾ ഡൽഹി, ബെംഗളൂരു, അഹമ്മദാബാദ് എന്നിവിടങ്ങളിലും ട്വന്റി-20 മത്സരങ്ങൾ രാജ്‌കോട്ട്, കട്ടക്ക്, പൂനെ എന്നിവിടങ്ങളിലുമാണ് നടക്കുക. 2027 ജനുവരിയിൽ സിംബാബ്‌വെ മൂന്ന് മത്സരങ്ങളടങ്ങിയ ഏകദിന പരമ്പരയ്ക്കായി ഇന്ത്യയിലെത്തും. കൊൽക്കത്ത, ഹൈദരാബാദ്, മുംബൈ എന്നിവയാണ് ഈ മത്സരങ്ങളുടെ വേദികൾ.

സീസണിന്റെ അവസാനത്തിൽ ക്രിക്കറ്റ് ലോകം ആകാംക്ഷയോടെ കാത്തിരിക്കുന്ന ബോർഡർ-ഗവാസ്‌കർ ട്രോഫി നടക്കും. ഓസ്‌ട്രേലിയക്കെതിരായ അഞ്ച് മത്സരങ്ങളടങ്ങിയ ടെസ്റ്റ് പരമ്പര 2027 ജനുവരി 21-ന് നാഗ്പൂരിൽ ആരംഭിക്കും. പരമ്പരയിലെ ബാക്കി മത്സരങ്ങൾ ചെന്നൈ, ഗുവാഹത്തി, റാഞ്ചി, അഹമ്മദാബാദ് എന്നിവിടങ്ങളിലാണ് നടക്കുക.