രഞ്ജിട്രോഫിയിൽ ഉത്തർപ്രദേശ് 302ന് പുറത്ത്; കേരളത്തിന് തകർച്ചയോടെ തുടക്കം

മറുപടി ബാറ്റിങ് ആരംഭിച്ച കേരളത്തിന്‍റെ തുടക്കം തകർച്ചയോടെയാണ്. ഒടുവിൽ വിവരം ലഭിക്കുമ്പോൾ കേരളം രണ്ടിന് 19 എന്ന നിലയിലാണ്. 11 റണ്‍സെടുത്ത രോഹന്‍ കുന്നമ്മലും റണ്‍സൊന്നുമെടുക്കാതെ കൃഷ്ണപ്രസാദും ആണ് പുറത്തായത്.

ആദ്യം ബാറ്റുചെയ്ത ഉത്തർപ്രദേശിന്‍റെ തുടക്കം മോശമായിരുന്നു. മൂന്നിന് 85 എന്ന നിലയിൽനിന്ന് അഞ്ചിന് 124 എന്ന നിലയിലേക്ക് അവർ കൂപ്പുകുത്തി. എന്നാൽ ആറാം വിക്കറ്റിൽ ഒത്തുചേർന്ന റിങ്കു സിങ്-ധ്രുവ് ജുറൽ കൂട്ടുകെട്ട് ഉത്തർപ്രദേശിനെ ഭേദപ്പെട്ട സ്കോറിലേക്ക് നയിക്കുകയായിരുന്നു. 143 റൺസാണ് ഇരുവരും ചേർന്ന് കൂട്ടിച്ചേർത്തത്.

advertisement

മൂന്ന് വിക്കറ്റെടുത്ത എം ഡി നിധീഷിന്‍റെ ബോളിങ്ങാണ് കേരളത്തിന് തുണയായത്. ബേസില്‍ തമ്പിയും ജലജ് സക്സേനയും രണ്ടു വിക്കറ്റുകള്‍ വീതം വീഴ്ത്തി. വൈശാഖ് ചന്ദ്രനും ശ്രേയസ് ഗോപാലും ഓരോ വിക്കറ്റ് വീതം നേടി.