ധോണി ഇനി എന്ന് ഇന്ത്യക്കായി കളിക്കും? പരിശീലകന് ഉത്തരമുണ്ട്

അടുത്ത ട്വന്‍റി 20 ലോകകപ്പ് ടീമിനെ തെരഞ്ഞെടുക്കുമ്പോൾ ഐപിഎല്ലിലെ പ്രകടനം നിർണായകമാകുമെന്ന് രവി ശാസ്ത്രി നേരത്തെ പറഞ്ഞിരുന്നു. കഴിഞ്ഞ ഏകദിന ലോകകപ്പ് സെമി ഫൈനലിലെ തോൽവിക്ക് ശേഷം ധോണി ഇന്ത്യൻ ടീമിൽ നിന്ന് വിട്ടു നിൽക്കുകയാണ്. അതിനു ശേഷം നടന്ന എല്ലാ ഏകദിന - ട്വന്‍റി 20 പരമ്പരകളിലും റിഷഭ് പന്താണ് ഇന്ത്യയുടെ വിക്കറ്റ് കീപ്പറായത്.

ബംഗ്ലാദേശ് പരമ്പരയിലും വിൻഡീസ് പരമ്പരയിലും ട്വന്‍റി 20 ഫോർമാറ്റിൽ സഞ്ജു സാംസണും പതിനഞ്ചംഗ ടീമിന്‍റെ ഭാഗമായി. 2021 ഐ.പി.എല്ലിലും കളിക്കാൻ തയ്യാറാണെന്ന് ധോണി ചെന്നൈ സൂപ്പർ കിംഗ്സ് മാനേജ്മെന്‍റിനെ അറിയിച്ചതായി റിപ്പോർട്ടുണ്ടായിരുന്നു. ടീമിലേക്ക് മടങ്ങിയെത്തുന്നതിനെപ്പറ്റി ജനുവരി വരെ ഒന്നും ചോദിക്കരുതെന്ന് കഴിഞ്ഞദിവസം ധോണി മാധ്യമങ്ങളോട് പറഞ്ഞിരുന്നു.​

advertisement